Որոշ վիտամիններ անհրաժեշտ են կենդանիներին հատկապես գարնանն ու աշնանը, սակայն շատ հաճախ նրանք բավական հաստատուն հորիզոնականներ են զբաղեցնում ոչ միայն կանխարգելիչ, այլև բուժական սխեմաներում:
Վիտամինները (լատիներենից թարգմանաբար՝ vita-կյանք) միացություններ են, որոնք բարձրացնում են օրգանիզմի տարբեր պրոցեսների արդյունավետությունը, պաշտպանում են արտաքին միջավայրի անբարենպաստ ազդեցություններից, ապահովում են հիվանդությունների դեմ օրգանիզմի իմուն համակարգի կայությունը և նպաստում են լավացմանը:
Օրգանիզմում վիտամինների բացակայությունը (ավիտամինոզ) կարող է հանգեցնել մահվան, իսկ դրանց քիչ քանակի ներմուծումը կոչվում է հիպովիտամինոզ: Այս հիվանդությունների զարգացման պատճառ կարող են հանդիսանալ օրգանիզմի բարձր պահանջները (հղիության և ձագուկներին կերակրելու ընթացքում, ստամոքս աղիքային տրակտի խանգարման դեպքում, ճիճվակրության, ինֆեկցիոն հիվանդությունների դեպքում, երբ կիրառվել են հակաբիոտիկներ և այլ դեղամիջոցներ, որոնք նպաստում են օրգանիզմում վիտամինների մակարդակի իջեցմանը:
Վիտամինի խնդիրների դեպքում առաջին ախտանիշերը կարելի է տեսնել մազածածկույթից (մազաթափություն, փայլի բացակայություն, քոր), ստամոքս-աղիքային տրակտի խնդիրներից (սննդի թերմարսելիություն, ախորժակի բացակայություն): Բնականաբար այս ամենի բարձիթողի վիճակը կարող է բերել լուրջ հետևանքների:
Վիտամինների պակաս է զգացվում հատկապես գարնանը, քանի որ դրանք ծախսվում են ձմեռվա ընթացքում, սակայն աշնանն էլ շունը փոխում է հին, վնասված մազերը և ձեռք է բերում նորը, ինչպես նաև փափուկ ենթամազեր (подшерсток), որոնց համար ծախսվում են օրգանիզմի պաշարները, իսկ հարաբերական հանգիստ մյուս երկու սեզոնների և նոր պաշար հավաքելու համար անհրաժեշտ է շան օրգանիզմը զինել նոր վիտամիններով:
Այսպես, օրինակ գարնանը շատ նպատակահարմար է կիրառել մուլտիվիտամինային թերապիա: Այն կայանում է մուլտիվիտամիային հաբերի կիրառման մեջ՝ տուփի վրա նշված կիրառման ցուցումների համաձայն: Դրանք ներառում են իրենց մեջ մի ամբողջ կոմպլեքս, որը նպաստում է կենդանու մաշկի և մազածածկույթի վիճակի բարելավմանը, նյութափոխանակության կարգավորմանը, պահպանում է իմունային համակարգը:
Արտահայտված մազաթափության ժամանակ կենդանասերների համար 1 օգնականն են հանդիսանում գարեջրային խմորիչներով վիտամինային հաբերը, որոնք իրենց մեջ պարունակում են ձկան յուղ, օմեգա 3: Բացի դրանից գարեջրային խմորիչը կարգավորում է նյութափոխանակությունը (բարելավում է ախորժակը), կայունացնում է ներքին օրգանների աշխատանքը և ակտիվացնում է իմունային համակարգը, բարելավում է տեսողական, լսողական և հոտառական զգայարանների աշխատանքը:
Տարիքային խնդիրներից խուսափելու, կենդանու արյունը մաքրելու, նյութափոխանակությունը բարելավելու և, որ պակաս կարևոր չէ, արտաքին մակաբույծներին վանելու նպատակով կարող եք գարնան վերջում կիրառել սխտորով հաբերը, որոնք պարունակում են նաև վիտամին B, որը օգնում է առողջ պահել շան աչքերի և բերանային խոռոչի լորձաթաղանթը, օգնում է ապահովել բնականոն աճ, օրգանիզմում ապահովում է ածխաջրերի և ջրային հավասարակշռությունը:
Կենդանուն հղիության նախապատրաստելիս, նրա օրգանիզմը կալցիումի համապատասխան քանակով զինելու նպատակով ցանկալի է նրան տալ հաբեր, որոնք դրական ազդեցություն են ունենում կենդանու ատամների, մազածածկույթի, ոսկրային համակարգի վրա, ինչպես նաև օգնում են արգանդում նոր ձևավորվում պտուղների ապագա հենաշարժիչ համակարգի ձևավորմանը:
Կան շների ցեղատեսակներ, որոնք ունենում են հոդացավեր (օրինակ՝ լաբրադոր), սակայն նույն խնդիրը հանդիպում է նաև այլ ցեղատեսակի տարեց շների մոտ, ինչից խուսափելու նպատակով կարելի է ժամանակ առ ժամանակ նրան տալ ոստրեի (устрица) էքստրակտով փոշի: Աճառային հյուսվածքների վերականգնման, դրանց հիվանդությունների կանխարգելման, ինչպես նաև ականջների աճառների ամրության ապահովման նպատակով կարելի է կիրառել գլյուկոզամին:
Տարվա տարբեր եղանակներին ճիշտ վիտամինային կոմպլեքսներ ընտրելով` դուք ձեր կենդանուն հնարավորություն եք ընձեռում լինել առողջ, ունենալ գերազանց արտաքին տեսք և պատրաստ լինել եղանակի և արտաքին միջավայրի այլ անբարենպաստ պայմանների դեմ պայքարելուն:
Եղե՛ք տեղեկցաված, Hafo.am
