Հարգելի շնասերներ և շուն պահողներ, մենք բոլորս էլ գիտենք, թե մեր չորքոտանի ընկերներն ինչքան ուրախություն են մեզ պարգևում, սակայն դա ամենը չէ։ Նրանց լիարժեք պահելու համար անհրաժեշտ է փաստաթղթերի մի ամբողջ փաթեթ։ Այսպիսով, ներկայացնենք մեր սիրելիներին անհրաժեշտ փաստաթղթերի ցանկը։
Փաստաթուղթ կենդանու առողջության վիճակի մասին, որտեղ գրվում է շան մականունը, ցեղատեսակը, տարիքը և պատվաստման նշումները։ Այս փաստաթղթի հիմնական նպատակն է՝ հաստատել կենդանու անվտանգ լինելը շրջապատող մարդկանց և կենդանիների համար, ինչպես նաև նրա՝ վտանգավոր հիվանդություններ չկրելը։ Առանց անասնաբուժական անձնագրի շանը չեն թույլատրում մասնակցել ցուցահանդեսներին, մրցույթներին և նաև չեն թույլատրում դւորս գալ երկրի սահմաններից։
Միջազգային անասնաբուժական անձնագիր- այս փաստաթղթի հիմնական ֆունկցիան նույն է, ինչ որ սովորականինը։ Նրա արտաքին տեսքը մի փոքր տարբերվում է սովորականից և օգտագործվում է Ձեր երկրի սահմաններից դուրս։ Այստեղ արդեն նշվում է ինֆորմացիա շան տիրոջ մասին, շան մասին (ծննդյան թիվ, ցեղատեսակ, սեռ, պատվաստումներ, բուծողի մասին ինֆորմացիա և այլն)։
Շան ամենակարևոր փաստաթղթերից մեկը նրա ծննդականն է, որը ստանալուց հետո միայն իրավունք է տալիս կենդանուն մասնակցել ցուցահանդեսներին, մրցույթներին։
Երկրից Ձեր կենդանուն օրինական դուրս հանելու համար հնարավոր պայմաններից մեկը չիպավորումն է կամ դաջումը։ Կենդանու ինդենտիֆիկացումը կատարվում է անասնաբուժական կլինիկաներում, որի ժամանակ կենդանու մաշկի տակ տեղադրվում է համապատասխան միկրոչիպ, որն իր մեջ պահպանում է ամբողջական ինֆորմացիան կենդանու և տիրոջ մասին։
Նույնը կատարվում է դաջվածքի դեպքում, ինչն էլ իրենից ներկայացնում է թվերի կամ տառերի խումբ: Այն արվում է կենդանու մաքուր մաշկի վրա սովորական դաջվածքի պես: Յուրաքանչյուր ակումբ կամ շնաբուծարան ՌԿՖ-ում գրանցվելուց ստանում է հստակ կոդ` դաջվածքը դաջելու համար: Այդ 3 կամ 4 տառը ոչ մի կերպ չեն կարող վերծանվել։ Դրանք ստեղծվում են հերթականության կարգի սկզբունքով: Այդ տառերով հնարավոր է իմանալ, թե որտեղ է ծնվել շունը:
Սիրով՝ Hafo.am։
Եղե՛ք տեղեկացված