Մեզանից յուրաքանչյուրը մինչև կենդանուն տուն բերելն արդեն գիտի, թե ինչ սեռի է լինելու մեր չորքոտանի ընկերն, ինչ գույնի, ինչ ցեղատեսակի և, որ պակաս կարևոր չէ, ինչպես ենք նրան անվանելու, սակայն քչերն են նախօրոք պլանավորում, թե որտեղ է քնելու կենդանին, որն է լինելու նրա տեղը և ինչ է ուտելու:
Hafo.am-ն արդեն պատմել է, թե ինչպես պետք է ճիշտ և գրագետ կազմակերպել կենդանու կերակրումը, իսկ այսօր կխոսենք չոր կերերի և պահածոների մասին:
Առաջին բանը, որ պետք է իմանալ չոր կերերի անցնելիս, դրա դասերն ու առանձնահատություններն են: Այսպես, գոյություն ունեն կերերի 4 դասակարգ, որոնք են ՝
Սրանք ամենամատչելի կերերն են շուկայում: Կենդանու համար առանձնահատուկ օգտակարություն չունեն, ավելին, սրանց երկարատև կիրառումը որպես հիմնական կերակրման միջոց հաճախ հանգեցնում են կենդանու առողջական խնդիրների: Վատ ազդեցության «գաղտնիքն» այս կերերի բաղադրության մեջ է. էկոնոմ դասի կերերի մեջ բնական միսը գրեթե բացակայում է, լավագույն դեպքում դրանք ներառում են կասկածելի ծագման ենթամթերք, ինչպես նաև էժանագին հավելումներ, օրինակ՝ եգիպտացորեն, ցորեն, սոյա։
Իսկ շներն իրենց բնույթով գիշատիչ են, ուստի նրանց օրգանիզմին պարզապես անհրաժեշտ է մսամթերք, ոչ թե ցորենազգիներ: Այս կերերում շատ են նաև արհեստական հոտի և համի ուժեղացուցիչները: Վերջիններս կախման մեջ են գցում շանը, ինչից հետո կենդանին հրաժարվում է որակյալ կերերից և տիրոջ մոտ սխալ կարծիք է ստեղծվում կերերի որակի մասին:
Հայկական շուկայում վաճառվող էկոնոմ կարգի կերերից են Chappi-ին, Darling-ը, Pedigree-ն, Simba-ն, Guf և այլն:
Կարելի է ասել, թե սրանք ամենամեծ ճանաչում վայելող կերերն են. Gemon, Pro Plan, Hills, Royal Canin, Club 4 Paws : Կան որոշ աղբյուրներ, համաձայն որոնց նշված կերերը սուպեր պրեմիում դասի են, սակայն կարելի է այդ կեղծ փաստը միանգամից հերքել՝ ուսումնասիրելով նրանց բաղադրությունը։ Եթե մսի բաղադրությունը ցածր է 25%-ից, ապա դա չի կարող լինել սուպեր պրեմիում դասի կեր:
Այսպես, պրեմիում դասի կերերը, պարունակելով ենթամթերք, իրենց մեջ ներառում են նաև 25% միս, իսկ հիմնական բաղադրիչը, որպես կանոն, բրինձն է: Այս կերերով կարելի է կերակրել շներին, բայց դրանք միևնույնն է հեռու են իդեալական կերակրման միջոց համարվելուց:
Սուպեր պրեմիում դասի կերերը իրոք ունեն լավ բալանսավորված բաղադրություն: Դրանցում կա իսկական միս, ոչ քիչ քան ¼ չափով, իսկ եթե մսի հետ կա նաև ենթամթերք, ապա այն համեմատ լավ որակի է և փաթեթի վրա դրա մասին կա պարտադիր նշում (օրինակ, թռչնի մսի ենթամթերք (սիրտ, լյարդ), այսինքն՝ օգտակար նյութեր, ոչ թե աղացած ոսկոր): Սուպեր պրեմիում դասի կերերը գրեթե չեն պարունակում հոտի և համի ուժեղացուցիչներ: Այս կերերով կարելի է կերակրել թե՛ ձագուկներին, թե՛ հասուն շներին՝ առանց նրանց առողջության մասին մտածելու:
Հայկական շուկայում սուպերպրեմիում դասի կեր է Monge ֆիրմայի արտադրանքը:
Սրանք պատրաստի կերերից ամենալավն են, պատրաստվում են ամենաբարձր որակի մթերքներից, մսի պարունակությունը այստեղ ամենաբարձրն է (50-80%), ոչ մի ենթամթերք, իսկ վիտամինային աղբյուրն այս կերերում հանդիսանում են թարմ բանջարեղենը, հատապտուղներն ու մրգերը: Հոլիստիկ են Acana, Orijen կերերը:
Այս պահին ամբողջ աշխարհում չոր կերերից որակապես Orijen-ը գրավում է ԱՌԱՋԻՆ տեղը։
Սովորաբար գրեթե բոլոր ֆիրմաներն արտադրում են պահածոյացված կերեր, պաշտետներ և պաուչեր (փափուկ փաթեթներ): Դրանց դասերը համապատասխանում են նույն ֆիրմայի չոր կերերի դասերին: Պետք է նշել, որ պահածոների բաղադրամասերն ավելի որակյալ են, քան պաշտետների և պաուչերի մեջ է: Առաջիններում կարելի է հստակ տեսնել մսի կտորները, որոնք գերակշռում են:
Դե ի՞նչ, սիրելի շնասերներ, հուսով ենք այսուհետ Hafo.am-ի շնորհիվ կկատարեք ավելի գրագետ ընտրություն։
Եղե՛ք տեղեկցաված, Hafo.am
