Նոր Տարին իհարկե պետք է նշել՝ խմիչքներ, պար, երաժշտություն, ուրախություն և նույնիսկ հրավառություն: Բայց մեծ խնջույքը կարող է տրավմատիկ լինել շան համար, եթե նույնիսկ դա նշվում է նեղ միջավայրում: Անծանոթ կամ աղմկոտ մարդիկ, անզգույշ պարային շարժումները, ձայները, աղմուկը սթրեսային են մեր շների համար, իսկ երբ դրան ավելացնենք հրավառությունը, ահա և սթրեսը կարող է վերածվել իսկական ահաբեկչության:
Ձեզ կասենք մի քանի օրինակ, թե ինչպես Ձեր շանը պահեք ապահով և սթրեսից հեռու
ԱԼԿՈՀՈԼ
Այս տոնը տարվա այն օրն է, երբ շատ շների ալկոհոլ են տալիս, որոշները իհարկե հայտնվում են կլինիկաներում: Կախված շան չափից և առողջությունից՝ նույնիսկ ալկոհոլի քիչ քանակությունը կարող է մահացու լինել: Շան երիկամը և լյարդը չեն կարող ընդունել այն: Նույնիսկ ալկոհոլը կլանվելով մաշկի միջոցով՝ կարող է առաջացնել ալկոհոլային թունավորում, որի ախտանշաններից են՝ փսխում, ապակողմնորոշում, չափից շատ ծառավի զգացում, մարմնի ցածր ջերմաստիճան, արյան ցածր ճնշում, ցնցումներ և շնչառական անբավարարություն: Ալկոհոլը կարող է լուրջ վնաս հասցնել լյարդին, արյան գլյուկոզի մակարդակին և նյարդային համակարգին: Չնայած շները սովորաբար չեն հավանում ալկոհոլի համը, այնուամենայնիվ որոշները սիրում են գարեջուր և քաղցր, մրգային կոկտեյլներ: Ուշադիր եղեք, որ Ձեր շունը չկարողանա հասնել որևէ ալկոհոլային խմիչքի, նաև լիկյորի պարունակությամբ ուտելիքների: Զգուշացրեք Ձեր հյուրերին շանը չտալ որևէ ալկոհոլ: Եթե չեք կարողանում հասցնել հետևել իրադարձություններին, պահեք Ձեր շանը սենյակում և զգուշացրեք Ձեր հյուրերին, որ մուտքը փակ է:
ԱՅԼ ՆՅՈՒԹԵՐ
Տոնական օրերին թունավորումներ լինում են նաև կծվից և քաղցրից, ինչպես նաև ծխախոտից, որոնց ախտանշաններից են՝ անտարբերություն, դժվար քայլելու ունակություն, փսխում, լաց և այլն: Աշխատեք Ձեր շանը զերծ պահել հատկապես ծխախոտից՝ առանձնացնելով նրան այլ սենյակում և բացել պատուհաններ մաքուր օդ պահպանելու համար:
ՎՏԱՆԳԱՎՈՐ ՍՆՈՒՆԴ
Մարդու սնունսը շատ հարուստ է ճարպերով, ինչը վտանգավոր է շան համար: Ճարպի բարձր պարունակությունը շների մոտ կարող է հանգեցնել պանկրեատիտ, որը լուրջ հիվանդություն է և հաճախ պահանջում է հոսպիտալացում: Պանկրեատիտը կարող է քրոնիկ հիվանդություն դառնալ, և այդ դեպքում Ձեր շունը բուժման կարիք կունենա մնացած ամբողջ կյանքը: Աշխատեք Ձեր շներին հեռու պահել այնպիսի ուտելիքներից, որոնք ներառում են՝ խոզապուխտ, երշիկ, հավ և հնդկահավ (կաշիով), բեկոն, հավի թևիկներ և այլն: Եփված ոսկորները ևս վտանգավոր են, քանի որ կարող են վնասել շան կերակրափողը կամ ատամները: Շներին պետք է հեռու պահել նաև խաղողից, սոխից, շոկոլադից, չամիչից, գազավորված յուրաքանչյուր հեղուկից, քաղցրավենիքից, մաստակից, սոդայից, աղի ուտելիքներից, ինչպիսիք են՝ չիպսերը, խառը ընկուզեղենը, ոլորաբլիթները և այլն: Եթե դուք Ձեզ վատ եք զգում, որ Ձեր շունը անտեսվում է, ապա կարող եք պայուսակով շան անուշեղեն պատրաստել հյուրերի համար, որպեսզի կարողանան կերակրել Ձեր շանը:
ՀՐԱՎԱՌՈՒԹՅՈՒՆ
Շներից շատերը սարսափում են հրավառությունից: Եթե պատահաբար հայտնվել եք նման աղմկոտ վայրում, տարեք Ձեր շանը ավելի հանգիստ, ապահով վայր աղմուկից կտրվելու համար: Կարող եք շանը տանել տուն, ինչ-որ հանգստացնող երաժշտություն միացնել, օրինակ՝ դասական, նվագել կամ երգել Ձեր շանը հանգստացնելու համար: Եթե այս միջոցները չօգնեն, ապա անպայման դիմեք վետ բժշկի: Ուշադիր եղեք Ձեր շանը հրավառության ժամանակ, քանի որ նրանք կարող են թռչել թե ցանկապատից, և թե պատուհանից:
ՈՒՇԱԴԻՐ ԵՂԵՔ ՊԱՏՈՒՀԱՆՆԵՐԻՆ ԵՎ ՄՈՒՏՔԻ ԴՌԱՆԸ
Եթե խնջույք եք կազմակերպում, Ձեր մուտքի դուռը անպայման շատ ժամանակ բաց կլինի: Քանի որ խնջույքը սթրեսային միջավայր է շան համար, նա կարող է բնազդաբար փախչել, հատկապես, եթե աղմուկը շատանում է և դրա հետ մեկտեղ հրավառություն է: Խնդրեք Ձեր հյուրերին փակել դուռը և հիշեցնող պիտակ փակցրեք դռանը: Փակեք պատուհանները, եթե նույնիսկ Ձեր շունը փոքր է և մտածում եք չի կարողանա թռչել պատուհանից, բայց նրանից սպասեք ամեն ինչ, քանի որ շունը կարող է անել անսպասելին, երբ սարսափած է: Հետևեք նաև բակի դռանը, որ այն ևս փակ լինի:
ԶԱՐԴԱՐԱՆՔ
Շները կարող են իրենց տարօրինակ պահել և ուտել անծանոթ իրեր, երբ սթրեսի մեջ է: Զարդարանքը պետք է լինի շներին անհասանելի հատվածում: Զգուշացեք շնչահեղձության պատճառ հանդիսացող իրերից, ինչպիսիք են՝ զարդերը, փայլերը և այլն: Ուշադիր եղեք նաև, որպեսզի շներին անհասանելի լինեն նաև մոմերը, ձյան արհեստական շերտերը:
ՍՏԵՂԾԵՔ ՁԵՐ ՇԱՆ ՀԱՄԱՐ ԻՍԿԱՊԵՍ ԱՊԱՀՈՎ ԴՐԱԽՏ
Ամենալավ բանը, որ կարող եք անել Ձեր շների համար Ամանորին, նրան իր սեփական սենյակը տրամադրելն է: Ստեղծեք նրա համար հարմարավետ միջավայր, թեկուզ և դա լինի արկղ, վրան, թունելային մահճակալ կամ պարզապես վերմակների մի փունջ սեղանի տակ: Լցրեք սենյակը Ձեր շան սիրելի խաղալիքներով կամ այն ամենով, ինչը նա օգտագործում է սթրեսի պահին: Անպայման լցրեք ջրամանը մաքուր ջրով: Փակեք պատուհանները և դռները, և գրություն թողեք, որպեսզի Ձեր շանը չանհանգստացնեն: Ինչքան էլ զբաղված լինեք, չմոռանաք հաճախ այղելել Ձեր շանը, որպեսզի նա իմանա, որ դուք այդտեղ եք: Հիշե՛ք, դուք Ձեր շան պաշտպանիչ ծածկոցն եք: Եվ եթե նույնիսկ տնից դուրս եք գալու գիշերը, վստահ եղեք, որ դռներն ու պատուհանները ապահով փակ են:
ՄԻ ՄՈՌԱՑԵՔ ԶՎԱՐՃԱՆԱԼ ԱՄԱՆՈՐԻՆ: ՄԱՂԹՈՒՄ ԵՆՔ ՈՒՐԱԽ ՆՈՐ ՏԱՐԻ ԵՎ ՊԱՀԵՔ ՁԵՐ ՇԱՆԸ ՈՒՐԱԽ ԵՎ ԱՊԱՀՈՎ!!!
