Սրա համար, իհարկե, երկար ժամանակ կարող է պահանջվել, քանի որ շները, հատկապես ձագուկները, բավականաչափ հետաքրքրասեր են և նրանց գրավում է գրեթե ամեն բան: Շների այս պահվածքը պետք չէ չափից շատ ծայրահեղացնել ու դրանից մեծ խնդիրներ առաջացնել, քանի որ սա ընդամենը ժամանակավոր բնույթ է կրում, եթե Դուք ճիշտ դաստիարակչական մոտեցում եք ցուցաբերում ձեր շան նկատմամբ:
Եվ այսպես, եթե ձեր չորքոտանի բարեկամը մռութը մոտեցնելով սեղանին՝ փորձում է ինչ-որ բան վերցնել՝ դուք պետք է ձեռքը հանգիստ մոտեցնեք նրա դնչին՝ ստեղծելով «խոչընդոտող պատ» դնչի ու սեղանին դրված այդ ինչ-որ բանի միջև: Եվ հարկավոր է, որ այս փորձը կրկնեք այնքան ժամանակ, մինչև որ նա հասկանա, որ դուք դեմ եք նրա այդ պահվածքին: Շատ կարևոր է նաև այն, որ ձեր բացակայության ընթացքում սեղանը լինի դատարկ և շան համար ոչ մի «գրավող» բան չլինի վրան:
Կան մարդիկ, ովքեր կարծում են, որ այս խնդիրը կարելի է լուծել շանը պատժելով։ Սակայն դա բնավ այդպես չէ, քանի որ տարիների փորձը ցույց է տալիս, որ այդպես ավելի մեծ հետաքրքրություն և ձգտում է առաջանում դեպի արգելվածը: Շանը պատժելով՝ դուք նրան չեք «հասկացնում» ճիշտ կարգը, այլ պարզապես նրանք այդ դեպքում փորձում են ավելի զգուշավոր լինել: Պատժելով շանը գողացված կոտլետի համար՝ նրան չես հասկացնի, որ սեղանից նրբերշիկ վերցնել նույնպես չի կարելի:
Եվ միշտ հիշեք, որ այդ կանոնները շանը պետք է սովորեցնել ոչ թե մեկ անգամ և ձեր տանը, այլև ամենուր ու նույն մեթոդը կիրառելով: Այդ ժամանակ արդեն մի քանի փորձից հետո նա կհասկանա կիրառված մեթոդի էությունը և կփորձի հիշել ու պահպանել այն կանոնները, որոնք դուք տարբեր վայրերում սովորեցրել եք շաբաթների կամ ամիսների ընթացքում:
Նյութը թարգմանվել է Hafo.am-ի կողմից
