loader
hafo.am hafo.am 093 577 177 info@hafo.am

Փախուստի Վարպետը

Cover Photo

  Շների կացարանը որդեգրել է իրենց կացարանի շանը 

 

Փախուստի ՎարպետըՀարգելի՛ ընթերցողներ, ծանոթացեք Չառլեսթոն Կենդանիների ընկերության կացարանի պատվավոր աշխատակցի հետ։

Այս  նկարի շունը որդեգրվել է 8 անգամ, բայց միշտ փախչել է` վերադառնալով կացարան։ Գամբին  «գործող» շուն է, ում հնարավոր չէ պահել մեկ վայրում։ Տարիների ընթացքում նա արդեն հասցրել է ձեռք բերել «փախուստի արտիստ» համբավը։

"Չառլեսթոն" կենդանիների  կացարանի ընկերությունը Գամբիին գտել է 3 տարեկանում, երբ նա թափառում էր Հարավային Կառոլինայի փողոցներում։ Նա շատ գեղեցիկ,առողջ և ընկերասեր շուն է, ինչի համար էլ անձնակազմը չէր  կասկածում, որ նա կգտնի իր տունն ու երջանիկ ընտանիքը։  Եվ ահա, քիչ ժամանակ անց Գամբին որդեգրվեց, սակայն դա տևեց ընդամենը 3 օր։

Նրա 2-րդ որդեգրումը տևեց միայն 6 օր։ Հաջորդ 2 տարին Գամբին նույնպես անցկացրեց որդեգրված ընտանիքում, սակայն նորից վերադարձավ կացարան։ Որդեգրող ընտանիքներից և անձնակազմից ոչ ոք չէր հասկանում, թե ինչու՞ է նա միշտ փախչում։

Սակայն մի օր Չառլեսթոնի կացարանի անձնակազմի անդամներից մեկը գլխի ընկավ, թե ինչու՞ է Գամբին միշտ վերադառնում։

 «Գամբին գիտեր՝ ինքն աշխատանք ունի կատարելու»,- ասում է Դոնյա Սաթրիելը:

Պարզվեց, որ Գամբին ունի հատուկ հմտություն։ Անձնակազմը բացահայտեց, որ նա իրականում էմպաթ է (ունակություն՝ հասկանալու դիմացինի հոգեվիճակը) և ունի կարողություն  հանգստացնել կացարան եկող նոր շներին, ովքեր զգում են վախ և անհանգստություն։ Այսպիսով, կացարանի անձնակազմը Գամբիի համար նոր տուն փնտրելու փոխարեն որդեգրեց նրան։ Եվ հիմա նա ապրում է կացարանում և աշխատում Դոնյա Սաթրիելի հետ։ Հավատարիմ շան աշխատանքն է՝ օգնել  կացարան եկող նոր շներին հարմարվել։

Սակայն  չզարմանաք․  Գամբին կացարանում ունի նաև  2-րդ աշխատանքը։ Նա նաև օգնում է բուժել  կացարանի՝  աչքի ինֆեկցիաներով հիվանդ կատուներին։ 

Աշխարհում բոլոր շների համար կա կատարյալ մի տուն։ Սակայն Գամբիին անհրաժեշտ չէ տուն, նրա առաքելությունն է՝ օգնել փրկված շներին և ինչու՞ չէ, ուրախացնել "Չառլեսթոնի" աշխատակիցներին։

 

Նյութը թարգմանվել է Hafo.am-ի կողմից