Կարևոր չէ, թե ձեր կենդանին ինչ չափերի է, ինչ ցեղատեսակի, միևնույն է` արտաքին տեսքի խնամքը պետք է կազմակերպել պատշած ձևով: Դա վերաբերում է հատկապես երկարամազ և, այսպես ասած, «վարսավիրական» ցեղատեսակներին, որոնց բուրդը հատուկ խնամքի կարիք ունի՝ կտրում, տրիմմինգ, լոգանքի հատուկ միջոցների կիրառում: Սակայն վերոնշյալը վարսահարդարման պարտականություններից չի ազատում նաև հարթամազ շների տերերին:
Կա շների սանրերի և խոզանակների լայն տեսականի: Այսօր կխոսենք դրանցից ամենակիրառելի տեսակների մասին: Առաջին հայացքից թվում է, թե կենդանու համար սանր ընտրել ամենահեշտ գործն է, սակայն դա այդպես չէ, քանի որ նրա խնամքի միջոցների ճիշտ ընտրությունից է կախված նրա արտաքին տեսքը և մաշկի առողջական վիճակը:
Որպեսզի կենդանու մաշկն ու մազածածկույթը լինի առողջ և ունենա խնամված տեսք, անհրաժեշտ է պարբերաբար սանրել նրան: Այդ գործընթացում դուք կարող եք միաժամանակ հեռացնել ձեր կենդանու մազերի մեջ մնացած փոշին, կեղտը, վնասված, պոկված մազերը և ակտիվացնել արյան շրջանառությունը: Երկար մազերը սանրելու համար: Երկար և թավ մազերը շատ ցեղատեսակների զարդն են հանդիսանում, բայց որպեսզի նա իդեալական երևա, պետք է կենդանուն լավ սանրել:
Այդ նպատակով բավական լավ արդյունքներ կարելի է ստանալ` կիրառելով ֆուրմինատոր : Այն լայն հիմք և մեկ շարքով, միմյանցից բավական մոտ տեղադրված ատամիկներ ունեցող գործիք է, որը կարող է միանգամից հեռացնել վնասված, պոկված մազերը: Սանրերի այս տեսակը համապատասխանում է բոլոր ցեղատեսակի շներին, այն ամուր է և սանրելու ընթացքում անհանգստություն չի պատճառում կենդանուն:
Մազահեռացնող խոզանակն իրականացնում է նույն ֆուրմինատորի դերը, սակայն եթե ֆուրմինատորը համապատասխանում է բոլոր տեսակի մազածածկույթները խնամելու համար, ապա մազահեռացնող խոզանակը կարելի է կիրառել միայն թավ մազեր ունեցող ցեղատեսակների մազերը սանրելու համար :
Սանրերի այս տեսակը նախընտրելիս պարտադիր հաշվի առեք գործող մասի մեծությանը, ատամիկների երկարության, շան չափերին և մազերի որակին համապատասխան, ինչպես նաև ցանկալի է, որպեսզի ատամիկների ծայրերը լինեն գնդիկավոր, որպեսզի սանրը խորը տանելիս զերծ մնանք շան մաշկը վնասելուց:
Ուղիղ, հիմնականում մետաղական ատամիկներով սանրերը պետք են երկարամազ շների վերջնական սանրման համար: Մազահեռացնող խոզանակով աշխատելուց հետո անգամ, մազածածկույթում կարող են մնալ պոկված մազեր, որոնք շատ լավ կհեռացնի սանրի այս տիպը, որը խորհուրդ է տրվում կիրառել ամենօրյա խնամքի համար:
Այս սանրերի տեսականու մեջ կարող եք գտնել նաև խիտ ատամիկներով տարբերակ, որը նախատեսված է լվերի և տզերի դեմ պայքարի նպատակով սանրելու համար: Այս սանրերի տեսականու մեջ նույնպես կան երկար և կարճ ատամիկներով տեսակներ, որոնց միջև ընտրությունը կախված է շան մազածածկույթի խտությունից, մազերի երկարությունից և որակից:
Մերսող ռետիինե (մետաղյա կամ բնական մազերից) խոզանակները շատ տարբեր են լինում, սակայն կիրառության մեջ ամենահայտնիները ձեռնոցները և պոչավորներն են: Սրանք նախատեսված են շան մազածածկույթնուղղակի հարթեցնելու և մարսելու համար (իհարկե էլէկտրականացման հաշվին տեղի է ունենում նաև մազահեռացում), կիրառվում է կարճամազ և հարթ մազեր ունեցող շների համար:
Սանր-տիմերը նախատեսված է այն ցեղատեսակների մազածածկույթի խնամքի համար, որոնց մազերը չի կարելի կտրել կամ դրանք հաստ են (жесткошерстные), օրինակ շպից, տերյերներ, շնաուցերներ:
Եղե՛ք տեղեկցաված, Hafo.am
