Անկախ այն հանգամանքից` ձեր շնիկը (կատուն) մասնակցում է ցուցադրությունների, թե ոչ, նրա լոգանքի միջոցների ընտրությունը խնամքի և արտաքին տեսքի ապահովման կարևորագույն պայմաններից է:
Շամպունի և կոնդիցիոների ընտրության հարցում պետք է մի քանի չափանիշ հաշվի առնել, քանի որ միևնույն կոսմետիկ միջոցը ոչ բոլոր շների (կամ կատուների) համար է հարմար: Ամենից առաջ պետք է հիշել, որ շան (կատվի) խնամքի միջոցներում կտրականապես չեն կարող լինել մարդու կոսմետիկ միջոցներ:
Մարդու և կենդանու մաշկի թթվայնությունները տարբեր են (pH): Մարդու pH հավասար է մոտավորապես 5.5, և շամպունը պարունակում է ավելի շատ ալկալիներ, հետևաբար այն կչորացնի կենդանու մաշկն ու մազածածկույթը: Կենդանիների համար մշակված ամբողջ կոսմետիկան ունի pH ցածր մակարդակ, ինչի շնորհիվ այն ոչ միայն մաքրում է մաշկն ու մազածածկույթը, այլև փափկեցնում դրանք և պահպանում պաշտպանիչ յուղային շերտը:
Շների (կատուների) կոսմետիկ միջոցները կարող են լինել սովորական և պրոֆեսիոնալ : Վերջիններս ունեն ավելի լայն տեսականի և նախատեսված են առավել հաճախ, նույնիսկ ամենօրյա կիրառման համար:
Օրինակ՝ պրոֆեսիոնալ միջոցների շարքում կարելի է ընտրել սև, շագանակագույն կամ սպիտակ շների համար նախատեսված շամպուն, որը կիրառվում է ցուցահանդեսների շրջանում՝ կենդանու մազածածկույթին ավելի հագեցած գույն հաղորդելու համար: Այս միջոցները բուսական բաղադրիչների շնորհիվ մուգ գույներին հաղորդում են փայլ և փոքր-ինչ ավելի արտահայտիչ դարձնում, իսկ սպիտակ գույնն ավելի են պարզեցնում:
Սակայն սա չի նշանակում, թե սովորական կոսմետիկ միջոցները սահմանափակ են: Յուրաքանչյուր տիպի մազածածկույթի համար առանձնացված արտադրանք է առաջարկվում.
Բնականաբար առաջարկվում են նաև ձագերի համար և ունիվերսալ միջոցներ,որոնց տարրերն այնպես են հաշվարկված, որ կարող են կիրառվել ցանկացած տիպի մազեր ունեցող շների լոգանքի համար:
Շամպունները հարմար են կիրառել ոչ միայն մաքրության, այլև մազածածկույթի կազմը ընգծելու նպատակով, ինչը նաև հեշտացնում է դրա խնամքը: Կան նաև հիպոալերգեն շամպուններ, շան (կատվի) մազերի ամրացման և բուժման համար բուսական էքստրակտով շամպուններ:
Շատ կարևոր հանգամանք է նաև այն փաստը, որ այս շամպունները մշակված են ինչպես մանուկների համար նախատեսված կոսմետիկ միջոցները՝ չեն գրգռում լորձաթաղանթը և նախատեսված են հաճախակի կիրառման համար, ինչը թույլ է տալիս պարբերաբար լողացնել շանը(կատվին)՝ առանց անցանկալի հետևանքների մասին մտածելու:
Որոշ կենդանասերներ կարծում են, թե ցուցահանդեսներին չմասնակցող շների(կատուների) համար կոնդիցիոները պարտադիր պայման չէ: Դա այդպես չէ: Կոնդիցիոների կիրառումը չի սահմանափակվում կենդանու արտաքին տեսքի բարելավմամբ, ինչպես ընդունված է համարել: Ի տարբերություն շամպունների՝ կոնդիցիոներները վերականգնում են մորթին:
Դրանց բաղադրության մեջ կան մաշկն ու մազերը սնուցող, սանրելու գործընթացը հեշտացնող և բրդի արագ կեղտոտումը կանխող բուսական յուղեր և էքստրակտներ, ինչը հույժ կարևոր է երկարամազ շների (կատուների) համար:
Կախված նրանից, թե ինչպիսի արդյունք ենք ուզում ստանալ, կարող ենք ընտրել սնուցող կոնդիցիոներ, մազերի անհրաժեշտ կառուցվածքն ապահովելու կամ դրանց ընդհանուր խնամքը հեշտացնող կոնդիցիոներ : Որոշ կոնդիցիոներներ անհրաժեշտ է լվանալ ջրով, մյուսները՝ ոչ, ինչպես նշված է հրահանգների թերթիկում:
Իսկ նյութը Ձեզ համար պատրաստեց Hafo.am -ը։
Եղե՛ք տեղեկցաված, Hafo.am
