Իդենտիֆիկացումը(կլեյմանիա)- դա մի հատուկ դաջվածք է, որն արվում է կենդանու մաշկի վրա: Այն օգտագործվում է հին ժամանակներից: Այս գործընթացի կարևոր նպատակը եղել և մնում է ` սեփականության նշումը սեփական իրավունքի հաստատման համար և անհրաժեշտության դեպքում նրա ճանաչումը:
1997 թվականից Ռուսական Կինոլոգիայի Ֆեդերացիայում գրանցված բոլոր շնաբուծարանները և ակումբները պարտավոր էին ինքնուրույն դաջել սեփական շներին (անկախ նրանց դասակարգումից): Նման կերպով այսօր յուրաքանչյուր ազնվացեղ շուն պետք է ունենա անհատական իդենտիֆիկացիան (կլեյմո), որն արվում է շան ականջի ներսի կողմում կամ աճուկային մասում՝ հատուկ մասնագետի և շատ հազվադեպ անասնաբույժի կողմից հատուկ սարքի միջոցով:
Դաջողը պետք է հաստատի այն՝ ստորագրելով համապատասխան քարտի վրա: Իդենտիֆիկացումի կոդը և համարը գրանցում են շան փաստաթղթերի մեջ: Հետագայում այդ տվյալներով կարելի է տեղեկանալ, թե որտեղ է ծնվել շունը, ով է տերը, նրա անունը, ծննդյան թիվը, գույնը և այլ տվյալներ: Այսօր կինոլոգիական բոլոր մեծ կազմակերպություններն ունեն սեփական նշանի բազա:
Իդենտիֆիկացիան իրենից ներկայացնում է թվերի կամ տառերի խումբ: Այն արվում է կենդանու մաքուր մաշկի վրա սովորական դաջվածքի պես: Յուրաքանչյուր ակումբ կամ շնաբուծարան ՌԿՖ-ում գրանցվելուց ստանում է հստակ կոդ` դաջվածքը դաջելու համար: Այդ 3 կամ 4 տառը ոչ մի կերպ չեն կարող վերծանվել։ Դրանք ստեղծվում են հերթականության կարգի սկզբունքով: Այդ տառերով հնարավոր է իմանալ, թե որտեղ է ծնվել շունը:
Իդենտիֆիկացիայի երկրորդ մասը թվային կոդն է: Յուրաքանչյուր շնաբուծարան կամ ակումբ ինքն է ընտրում իր կոդը: Բացի թվերից իդենտիֆիկացիայի այդ մասում կարող են ավելացվել տառեր: Արդյունքում յուրաքանչյուր շուն ստանում է իր անհատական տառաթվային կոդը, որը դաջվում է կենդանու մարմնի որոշակի մասում հատուկ սարքի միջոցով:
Շների իդենտիֆիկացումը հիմնականում արվում է իրենց ճանաչման (իդենտիֆիկացիայի) համար, ինչի շնորհիվ գնորդը կարող է վստահ լինել, որ կստանա հենց այն շանը, որին ընտրել էր: Ռուսական կամ արտասահմանյան ցուցադրություններին մասնակցելու համար շանն անհրաժեշտ է հստակ, տարբերվող դաջվածք-միկրոչիպ, որը դեռ լայնորեն տարածված չէ։
Իդենտիֆիկացիան կարող է օգնել գտնել Ձեր շանը, եթե կորցրել եք կամ գողացել են: Դրա համար շանը կորցնելու դեպքում ԶԼՄ-ներում հայտարարություններ տեղադրելու ժամանակ խորհուրդ է տրվում հայտնել, որ շունն ունի իդենտիֆիկացիա, (առանց կոդը և թիվը գրելու):
Բայց կորցրած շանը փնտրելու դեպքում շատ մեծ հույսեր կապել իդենտիֆիկացիայի հետ պետք չէ, քանի որ շատ հաճախ ուրիշի շանը գտած մարդիկ ուշադրություն չեն դարձնում իդենտիֆիկացիային, հատկապես, եթե շունն արդեն տարիքով մեծ է, կամ էլ արդեն իդենտիֆիկացիան մասամբ մաքրվել է և չի երևում: Բացի այդ, մարդիկ, ովքեր հետաքրքրված չեն շներով, կարող են նաև գլխի չընկնել դրանց առկայության մասին: Ամեն դեպքում, իդենտիֆիկացիան ավելի է մեծացնում շանսը գտնելու Ձեր կենդանուն և նույնիսկ ապացուցել սեփականության իրավունքն այն դեպքում, եթե հանկարծ նոր տերը հրաժարվի Ձեր շանը վերադարձնել:
Նյութը թարգմանվել է Hafo.am-ի կողմից
