ԵՐԲԵՔ ՄԻ՛ ԹՈՂԵՔ ՁԵՐ ՇԱՆԸ ՄԵՔԵՆԱՅԻ ՄԵՋ

Փակ պատուհաններով մեքենան ամենավտանգավոր վայրն է Ձեր շան համար, նույնիսկ մի քանի րոպե։ Սկսենք նրանից, որ շների և մարդկանց ջերմակարգավորումը շատ տարբեր է․ օրինակ՝ մարդիկ հովանում են քրտնարտադրության շնորհիվ, իսկ շները՝ չեն քրտնում հովանալու նպատակով։

Շների քրտնարտադրությունը տեղի է ունենում միայն այն հատվածներում, որտեղ չկա մազածածկույթ՝ քիթը, ոտնաթաթի բարձիկները և միջականջային հատվածը, բայց այսքանը բավական չէ կենդանու ամբողջ մարմնի հովացման համար։ Շների քրտարտադրության հիմնական նպատակը տվյալ հատվածների խոնավեցումն է։

Ամռանը շները նախընտրում են նստել տան սառը հատվածներում՝ սալիկներին, լամինատին, քան գորգի վրա։ Այսպիսով նրանք կատարում են ջերմափոխանակում։ Իսկ մեքենայի նստատեղերի տաքությունն ամռանը գերազանցում է շան մարմնի ջերմաստիճանից։ Հետևաբար, շունը չի կարողանում կիրառել այս ջերմակարգավորման մեխանիզմը և այդ պայմաններում երկար մնալու դեպքում կարող է պատահել անդառնալին։

Շները չեն քրտնում

Մազածածկույթը նույնպես մասնակցում է ջերմակարգավորմանը, սակայն տաք մեքենայում, որտեղ ջերմաստիճանը շատ արագ բարձրանում է, մազածածկույթը պահպանում է տաք ջերմաստիճանը՝ դարձնելով շան ջերմաստիճանն էլ ավելի բարձր։

Շների մարմնի ջերմաստիճանի նվազեցման հիմնական ձևը հևոցն է։ Դա արագ, ոչ խորը ներշնչում-արտաշնչումն է լեզուն դուրս հանած բաց բերանով։ Այս գործընթացը նպաստում է բերանի խոռոչի և թաց լեզվի վրայից ջրի գոլորիացմանը, նպաստելով շան մարմնի ջերմաստիճանի նվազմանը։ Մեքենայում որքան ջերմաստիճանը բարձրանում է, այդքան շունը դժվարանում է շնչել։

Շները չեն կարող բացել դուռը կամ պատուհանը

Եվս մեկ տարբերություն մարդկանց և շների միջև - դա մարմնի ջերմաստիճանն է։ Մարդկանց մեծամասանության համար մարմնի նորմալ ջերմաստիճանը 36,6°С –ն է, իսկ շների մոտ՝ 37,5 - 39°С։ Մեծ նշանակություն ունի նաև շան չափսերն ու խառնվածքը։ Որքան մեծ է շունը, այնքան մեծ է ջերմատվությունը և արագ է բարձրանում ջերմաստիճանը։ Ջերմաստիճանն արագ է բարձրանում նաև ակտիվ շների մոտ։

Տաք եղանակին մեքենայում ջերմաստիճանը կարող է բարձրանալ 1րոպեում 1° С-ով

Ժամանակ	Դրսի ջերմաստիճան (°С)
Ժամանակ
0 րոպե	21	24	26	29	32	35
10 րոպե	32	34	37	40	43	46
20 րոպե	37	40	43	46	48	51
30 րոպե	40	43	46	48	51	54
40 րոպե	42	45	48	51	53	56
50 րոպե	44	47	49	52	55	58
60 րոպե	45	48	51	53	56	59
1 ժամ	46	49	52	54	57	60

Այսպիսով, ԵՐԲԵՔ ՄԻ՛ ԹՈՂԵՔ ՁԵՐ ՇԱՆԸ ՄԵՔԵՆԱՅԻ ՄԵՋ, քանի որ մի քանի րոպեն կարող է ունենալ անդառնալի հետևանքներ։ Պահպանեք մեր լավագույն բարեկամների անվտանգությունը։

Նյութը թարգմանվել է Hafo.am-ի կողմից