Մարդկությունը գտնում է ամեն ինչի պատասխանը, միայն թե ժամանակ է անհրաժեշտ: Երբ կատուները դարձան ընտանի, շատերը սկսեցին իրենց կենդանիների անվտանգությունը ապահովելու նպատակով նրանց դուրս չթողնել, անհրաժեշտություն առաջացավ տանը ունենալ հատուկ կատուների համար նախատեսված զուգարաններ, որոնք, ըստ երևույթին, իրենցից ներկայացնում էին հողով կամ ավազով լցված տարաներ: Կատուների զուգարանի պատրաստման համար հողի, ավազի կամ թղթի փոխարեն պետք է արտադրվեր հատուկ լցանյութ:
Այսպես, լցանյութերը լինում են՝
Ամենատարածված լցանյութերից է համարվում փայտե հիմքով լցանյութը , քանի որ գինը բարձր չէ, սակայն նյութն արդյունավետ է և էկոլոգիապես մաքուր, ալերգիկ չէ և անվտանգ է կատվի համար:
Հաճախ դրանք մանր թեփից խտացված գրանուլների տեսքով են, որոնք խոնավանալով բացվում են և կազմում գնդիկներ և զերծ պահում տհաճ հոտից: Որպես բացասական որակ, այս լցանյութերի համար կարելի է նշել միայն այն փաստը, որ հնարավոր է փաթեթավորման մեջ հայտնվեն փայտի մեծ կտորներ, սուր փշեր, որոնք կարող են վնասել կենդանու թաթիկները, սակայն դա հազվադեպ հանդիպող խնդիր է և լցանյութի փախարինման ժամանակ ուշադրություն դարձնելիս հնարավոր է կանխել:
Թղթի և հացահատիկային կուլտուրայի մնացորդներից կազմված լցանյութն այնքան էլ հարմար չէ, քանի որ դրանց ներծծման գործակիցը բավական ցածր է, արդյունքները գոհացնող չեն, չնայած՝ գինն էլ համապատասխան է: Սա նույնպես գրանուլներից կազված լցանյութ է, պարունակում է հացահատիկների թեփ, որոնք թրջվելիս միանգամից փափվկում են ու հարկ է լինում դրանք անմիջապես փոխել:
Նման լցանյութ ձեռք բերելիս՝ կենդանասերները ջանում են գտնել այն տեսակները, որոնցում եգիպտացորենի փաթիլներն են շատ, քանի որ դրանք ավելի շատ խոնավություն են կլանում: Այս լցանյութը նաև չափից դուրս թեթև է, ինչի պատճառով կենդանին կարող է աջ ու ձախ նետել նյութը՝ ստեղծելով հակահիգիենիկ վիճակ:
Կավից և հանքային նյութերից բաղկացած լցանյութերը հիանալի կլանում են հեղուկն ու տհաճ հոտը: Սա համարվում է կատուների զուգարանի ամենատարածված լցանյութը, քանի որ նրանցում խոնավության կլանումը բավական բարձր ցուցանիշ ունի և թրջվելուց հետո դրանք քարանում են՝ ձեռք բերելով քարիկների տեսք, որոնք շատ հեշտ է հեռացնել տարայից և փոխարինել նոր նյութով:
Այս լցանյութերի շարքին են պատկանում նաև ցեոլիտի, սեպիոլիտի հիմքով լցանյութերը, որոնք հայտնի են որպես ներծծող լցանյութեր, դրանք ունեն բնական ծագում և հատուկ մշակում անցնելուց հետո կիրառվում են նաև այս նպատակով: Արագ են ներծծում հեղուկը, հիմնականում պարունակում են հոտային հավելումներ, որոնք թունավոր չեն կենդանու և շրջապատի համար:
Սիլիկոնե-գելային լցանյութերը տարբերվում են վերը նշված տեսակներից իրենց որակով և հեղուկների ներծծման ադյունավետությամբ: Հակաալերգիկ են, հեշտ են կիրառվում, չեն փոշոտում տարածքը և հրաշալիորեն վերացնում են տհաճ հոտերը: Սրանք իրենցից ներկայացնում են արհեստական փոքրիկ բյուրեղիկներ:
Սա խնայողության տեսակետից էլ ամենահարմար տարբերակն է, քանի որ զուգարանի տարայում մի հաստ շերտով լցնելով՝ կենդանին ապահոված է լինում մաքուր և հիգիենիկ զուգարանով շաբաթից ավելի տևողությամբ, ինչն էլ փոխհատուցում է ապրանքի համեմատաբար բարձր գինը: Դա է պատճառը, որ այժմ շատ կատուների տերեր ընտրում են հենց այս տեսակը և դրանով իսկ զերծ մնում օրական մի քանի անգամ լցանյութ փոխելու գործից:
Եղե՛ք տեղեկցաված, Hafo.am
