Հարյուրավոր շներ դատապարտված էին մահվան, մինչ վետերանը գնեց ինքնաթիռ նրանց փրկելու համար։
Ամեն օր լինելով օդանավակայանում և ճամփորդելով` բանակի վետերան Փոլ Ստեկլենսկին 2013թ-ին որոշում է սովորել ինքնաթիռ վարել։
«Երբ առաջին անգամ փորձեցի թռչել, ժամանակ առ ժամանակ ցանկանում էի դադարեցնել, քանի որ չէի կարծում, որ կկարողանամ, բայց շարունակում էի գնալ դասերին։ Երբ ստացա վկայականը, ինքս ինձ հարց տվեցի՝ ի՞նչ եմ հիմա անելու» -ասում է նա Նյու Յորք ամսագրին։
Այդ տարի նա նաև փրկեց իր շանը՝ Թեսսային, ում փրկել էր Թենեսիի կացարանից՝ տեղափոխելով շանը Փենսիլվանիա ֆուրգոնով։ Ահա այդ ժամանակվանից ծագեց մի հրաշալի գաղափար՝ միավորելու իր երկու նոր հոբին՝ թռչելն ու կենդանիներին փրկելը։
«Շատ օդաչուներ սիրում են թռչել գեղեցիկ վայրեր, ռեստորաններ և դա շատ լավ է, բայց ինչ ինձ է վերաբերվում, ես պետք է ունենայի մեկ ուրիշ պատճառ օդ բարձրանալու համար։»
Ստեկլենսկին որոշեց, որ պետք է ներդնի 70,000 ԱՄՆ դոլար, գնի ինքնաթիռ, ազատվի նստարաններից և տեղադրի վանդակներ, թռչի կենդանիներին սպանող կացարաններ, վերցնի մահվան դատապարտված բոլոր կենդանիներին և տեղափոխի նրանց հյուսիսում գտնվող ապահով կացարաններ, որտեղ նրանք կունենան հնարավորություն որդեգրվելու։
«Միակ իմաստն այն էր, որ կենդանիներին սպանող միջավայրից տեղափոխել դեպի չսպանվող միջավայր»,- ասում էր Ստեկլենսկին։«Միշտ չէ, որ ամեն ինչ ստացվում էր, բայց կացարանները խոստանում էին պաշտպանել շներին և վստահեցնում էին , որ նրանց կորդեգրեն։»
“Flying Fur Animal Rescue”-ն հիմնադրվեց 2015 թվականի մայիսին և այդ ժամանակվանից ի վեր այն փրկել է ավելի քան 740 շան և կատվի կյանք։
«Ամեն ինչ արդյունավետության մեջ է։ Հնարավոր չէ անել այս գործը ֆուրգոնի օգնությամբ՝ վարելով 5 ժամ մեկ ուղղությամբ»,- ասում է Ստեկլենսկին։ « Դա է իմ թռչելու միակ պատճառը․․․ Դա մի հմտություն է, որ ես ունեմ, իսկ ինքնաթիռը պարզապես գործիք է։»
Ստեկլենսկին ամսվա մեջ ընտրում է մեկ օր և ուղևորվում դեպի կացարան, վերցնում 23 կենդանի և տեղափոխում նրանց անվտանգ վայր։ «Երբ շարժիչը միանում է, նրանք քնում են կամ էլ նայում պատուհանից դուրս։ Այստեղ միշտ հանգիստ է, ես երբեք խնդիր չեմ ունեցել։ Կարծում եմ՝ նրանք գիտեն, որ իրենց սպասվում է ավելի լավ կացարան։»
Նյութը թարգմանվել է Hafo.am-ի կողմից
