Այն միտքը, որը շները նման են իրենց տերերին, իրոք ունի ճշմարիտ կողմ։ Հետազոտությունը ցույց է տվել , որ մարդիկ ձգտում են ձեռք բերել այնպիսի ձագերի, որոնց ֆիզիկական առանձնահատկությունները շատ նման են իրենց՝ և՛ ակնհայտորեն, և՛ աննկատ։ Այլ կերպ ասած՝ մենք ձգտում ենք այնպիսի շների, որոնք մեզ են հիշեցնում։
Նոր հետազոտությունը ցույց է տվել , որ արտաքինը միակ բանը չէ , որը մենք կիսում ենք մեր շուն-ընկերների հետ։ Կենդանու վարքագիծն ուսումնասիրողները շատ վաղուց գիտեն, որ շները վերցնում են այն, ինչ տեսնում են տերերից։ Նրանք կարող են զգալ տան լարվածությունը, և երբ իրենց տերերը տխուր են։
Բայց ըստ ՊԼՈՍ ամսագրի կողմից վերջերս տպագրված և ԲԲՍ-ի կողմից լուսաբանված ուսումնասիրության՝ շները որոշ գծեր վերցնում են իրենց տերերի բնավորությունից նույնպես։
Հեղինակները հավաքեցին 132 շան ու նրանց տերերին՝ հետազոտելու յուրաքանչյուր զույգի անդամների մոտ առկա սթրեսը՝ օգտագործելով պահելաձևի համար նախատեսված թեստեր (պարզելու համար, թե ինչպես իրենց կդրսևորեն լաբարատորիայում ենթադրյալ սպառնալիքի առկայության դեպքում) և ֆիզիկական ցուցանիշներ (ինչպես, օրինակ, սրտի կծկումների հաճախականությունը, թուքի նմուշերը՝ որոշելու սթրես հորմոնի կորտիզոլը)։
Յուրաքանչյուր տեր-կամավոր նաև հարցաթերթիկներ լրացրեց իր և իր շան 5 հիմնական բնավորության գծերի վերաբերյալ՝ բարյացակամություն, նյարդայնություն, արտահոսք, խղճմտանք և անկեղծություն ՝ դրանց մակարդակը ստուգելու համար։
Արդյունքում հետազոտողները պարզեցին՝ որքան անհանգիստ և նյարդային է տերը, այնքան ավելի հավանական է, որ շունն ունենա նույն հատկանիշները։ Մյուս կողմից, ավելի հանդարտ շները հավանաբար կպատկանեն ավելի հանգիստ բնավորությամբ տերերի։
Գլխավոր խմբագիր և Վիեննայի համալսարանի կենդանիների բնավորությունը հետազոտող Այրիս Սկոբելնը հայտնց ԲԲՍ-ին, որ տերն ու շունը 2 հոգուց բաղկացած սոցիալական խումբ են, ովքեր ազդում են միմյանց սթրեսային վիճակների ընդօրինակման վրա։
Ուսումնասիրության հեղինակները պնդում են , որ մարդիկ ավելի ազդեցիկ են , քան շները, այսինքն՝ մենք ավելի հավանական է մեր բնավորության գծերից որոշները փոխանցենք , քան նրանցից վերցնենք։ Հետևաբար, հանգիստ, երջանիկ և անհոգ շուն ունենալու համար պետք է լավ օրինակ ծառայել։
Նյութը թարգմանվել է Hafo.am-ի կողմից
