Ձկնասերներին հետաքրքրող ամենաշատ հնչող հարցերից մեկն այն է, թե ինչպե՞ս ճիշտ կերակրել նրանց: Կարելի է կարծել, թե դա շատ հասարակ և պարզ հարց է, սակայն դա այդպես չէ: Իհարկե, կարելի է ձկներին կերակրել միատեսակ ինչ-որ հուսալի կերով, սակայն եթե դուք ուզում եք, որ ձեր ակվարիումը փայլի գույնզգույն առողջ ու աշխույժ ձկներով, ապա այս հոդվածը հենց ձեզ համար է:
Շատ հաճախ ակվարիումային ձկները դառնում են հաճույքի զոհ նույնիսկ կերակրման պլանում. յուրաքանչյուր դիտորդ ցանկանում է կերակրել նրանց և հետևել պրոցեսին: Արդյունքում ակվարիումում ավելորդ կերից սկսում են զարգանալ բակտերիաներ, որոնք լուրջ վտանգ են սպառնում միկրոֆլորային, հետևաբար կարող են ձկներին հասցնել մահվան, կամ էլ՝ ձկները կերային ավելցուկից սկսում են գիրանալ և կորցնում իրենց բնականոն կենսունակությունը:
Այդուհանդերձ, նրանց պետք է կերակրել օրվա մեջ 1-2 անգամ (եթե խոսքը գնում է տարեց և նորածին ձկնիկների մասին՝ կարելի է ավելի հաճախ), այնպիսի քանակով, որ նրանք ուտեն 2-3 րոպեի ընթացքում: Իդեալական կլինի, եթե կերը չմնա, ծանրանա ու իջնի ակվարիումի հատակը (իհարկե պետք է հիշել և կերակրել նաև սոմերին), ջրի հոսքի հետ անցնի ավազի և խոտերի խորքն ու հարմար միջավայր ստեղծի մանրէների զարգացման համար, կամ սկսի կուտակվել նիտրատներ և ամիակ, որոնք ձկների և բույսերի համար խիստ թունավոր են:
Այսպես, խոսենք նաև կերերի տեսակներից: Ակվարիումային ձկների կերերը կարելի է բաժանել 4 հիմնական խմբի՝
Եթե դուք ուզում եք ունենալ առողջ, բազմերանգ ձկնիկներ, ապա խորհուրդ է տրվում կերակրումը իրականացնել կերերի վերը նշված բոլոր տեսակներով: Իհարկե, կան այնպիսի ձկներ, որոնք կարող են սնվել միայն կենդանի կամ բուսական կերով (հնարավոր են հատուկ ձկնատեսակի համար որոշակի կերերի մշակված արտադրություններ, ինչպես օրինակ՝ «Tetra Goldfish Pro» կեր ոսկե ձկների համար, սակայն սովորական ձկների օրվա կերաբաժնի հիմնական մասը ֆիրմային կերերն են կազմում, որոնց հետ համակցվում են մյուս տիպի կերերը:
Ֆիրմային կերերը կարող են կազմել ձեր ակվարիումի ձկների սնման հիմնական բաղադրամասը (իհարկե խոսքը իական ֆիրմային փաթեթավորումներով կերերի մասին է, ոչ թե շուկայում առկա անհայտ ծագման կերերի): Այս կերերը պարունակում են անհրաժեշտ վիտամինները, հանքային նյութերը: Դրանք կարող են լինել.
Կենդանի կերերը ձկների համար լավագույնն են, որ կարելի է կիրառել պարբերաբար կերակրման նպատակով (սակայն հաճախ դրանք հանդիսանում են վարակի տարածման աղբյուրներ, կարծիքներ կան, որ պետք է կերի այս տեսակը նախօրոք մշակել /լավագույն տարբերակը սառեցումն է, ինչը թույլ է տալիս սպանել մի շարք վարակներ/ ): Հիշե՛ք` կերակրման այս տարբերակն ընտրելիս` ցանկալի է, որ ժամանակ առ ժամանակ լինեն տարբեր տեսակներ (թրթուրներ և ճիճուներ):
Սառեցված կերերը հիմնականում նույն կենդանի կերերն են, սակայն սառեցված և փաթեթավորված (ոչ բոլոր տնային տնտեսուհիները կարող են համաձայնել սառցախցիկում պահել ճիճուների ու թրթուրների): Սրանք հեշտ է պահել, հեշտ է դոզավորել, չեն փչանում, պարունակությունը, ինչպես արդեն նշվեց, նույն կենդանի կերերի տեսականին է և կարելի է գնել այնպիսի փաթեթ, որում համակցված են տարբեր տեսակներ:
Դժվար է գտնել ձկնատեսակ, որը ժամանակ առ ժամանակ չուտի բույսեր: Ձկների շատ տեսակների համար բուսական կերը , ցանկալի է (իհարկե խոսքը չի գնում գիշատիչ ձկնատեսակների մասին, նրանց համար կան հատուկ մշակված գրանուլներ :
Սրանցից կարելի է ձեռք բերել ֆիրմային արտադրության, ինչպես նաև կարող եք ինքներդ ավելացնել (նախօրոք ծանոթանալով կոնկրետ ցեղատեսակի նախասիրություններին, օրինակ՝ անցիստրուսները սիրում են դդմիկ, վարունգ, կաղամբ):
Եթե դուք հետևեք խորհուրդներին, չափից շատ չկերակրեք ձկներին, ապահովեք կերաբաժնի բազմազանությունը, ապա ձեր ակվարիումը կլինի մաքուր, ձկները՝ առողջ ու վառ գույներով:
Եղե՛ք տեղեկցաված, Hafo.am
