Որոշել եք թութակ պահել կամ նվիրե՞լ են, ուրեմն այս հոդվածը հենց ձեզ համար է: Թութակների կերակրումը նրանց առողջության և երկարակեցության գրավականն է, իսկ դա նշանակում է, որ այս հարցին պետք է մոտենալ մեծ պատասխանատվությամբ. դեռևս փոքր հասակից թռչնի համար պետք է ընտրել ճիշտ ռացիոն:
Հիշե՛ք` մարդկանց սեղանին դրված կերակուրը թռչնի համար կարող է ոչ միայն վնասակար, այլև մահացու լինել:
Այս հոդվածում ուսումնասիրենք թութակների առողջ ու երկար կյանքն ապահովող հիմնական բաղադրամասերը: Դրանք են՝ հատիկավոր խառնուրդը, կանաչին և ծիլերը, շիլաները, բանջարեղենային և մրգային բաղադրամասերը, ճյուղերն ու, բնականաբար, հեղուկը, մասնավորապես՝ ջուրը: Այս մթերքները համադրելով և թռչունին տալով` կարելի է բավարարել սննդակարգը հնարավորինս մաքսիմալ մակարդակով:
Թութակների ամենօրյա կերաբաժնի պարտադիր բաղադրիչը սերմերն են (հատիկավոր կերը): Սա լիարժեք կերակրման հիմքն է: Մեծ նշանակություն չունի, թե երբ կերը կլցվի վանդակի մեջ (օրվա մեջ մեկ անգամ՝ ամբողջ օրվա կերաբաժինը, թե մի քանի անգամ), կարևոր է, որպեսզի թռչնի կերը լինի հասանելի ամբողջ օրվա ընթացքում, քանի որ նրանք չեն կարող 24 ժամից ավել սոված մնալ:
Այսօր շուկայում ներկայացված են տարբեր թռչնատեսակների համար բալանսավորված կերեր, որոնցում պարտադիր հաշվի է առնված անհրաժեշտ կերաբաժնի բաղադրիչների կարևորությունը: Դրանք լիարժեք փաթեթներ են, որոնք կապահովեն ձեր թռչնի առողջությունը և հնարավորություն կունենաք խնայել ձեր ժամանակը (շատ ավելի հեշտ է մեկ փաթեթով ձեռք բերել ողջ վիտամինային և սննդարար նյութերը, քան դրանք հատ առ հատ ձեռք բերել խանութից և օրվա ընթացքում էլ մեծ ժամանակ տրամադրել դրանց մշակմանը) :
Այդ կերերի բաղադրությունը տարբերվում է՝ կախված թռչնի տեսակից, չափերից և նրա կենսապայմաններից: Դրանցից, օրինակ, ալիքավոր թութակների համար նախատեսված կերերը հարստացված են բոլոր անհրաժեշտ վիտամիններով, հանքային նյութերով, յոդով և աճի ու ոսկրերի համար անհրաժեշտ այլ նյութերով:
Վաճառքում առանձին առկա է նաև նույն ցեղատեսակի թութակների ձագերի համար բալանսավորված կեր : Մեծ ցեղատեսակի համար նախատեսված կերերը ապահովում են թռչնի իմունային ամուր համակարգը, ապահովում են ոսկրերի առողջությունը, չեն պարունակում շաքար, արհեստական գունավորումներ: Կարելլաների և կակադուների համար լիարժեք, բալանսավորված կերերն իրենց մեջ պարունակում են վիտամիններ՝ А, D3, Е, В1, В2, В6, В12, հանքային նյութեր, էվկալիտ, կակտուսի ծաղիկներ,մեղր և յոդ:
Պատրաստի կերերը գնելիս` խորհուրդ է տրվում համոզվել, որ հերմետիկ փակ են ( հերմետիկ փաթեթավորումը զերծ է պահում կերը խոնավանալուց, ինչպես նաև զանազան մակաբույծներից), ճշտեք պահպանման ժամկետը: Մի անգամ գնելով որևէ տեսակի կեր՝ ուշադիր զննեք` արդյոք սերմերը ամբողջական են, առողջ, չկան օտար խառնածին հատիկներ:
Ինչպես արդեն վերը նշվեց, թութակների կերակրման ժամանակ մեծ դեր ունեն հեղուկները: Պետք է վանդակում մշտապես առկա լինի թարմ ջուր (ընդ որում ջրամանը պետք է լինի մաքուր և հարմար): Ժամանակ առ ժամանակ կարող եք ջուրը հարստացնել վիտամինային հեղուկով , որը նախատեսված է թութակների մաշկի և փետուրների գեղեցիկ տեսքը և առողջությունը պահպանելու համար:
Եղե՛ք տեղեկցաված, Hafo.am
