Ցանկանու՞մ եք ունենալ շուն։ Հիանալի որոշում է, եթե Դուք պատրաստ եք Ձեզ վրա վերցնել մեծ պատասխանատվություն կենդանի էակի համար։ Այդ իսկ պատճառով Hafo.am -ը պատրաստել է նյութ, որը կնախապատրաստի Ձեզ շուն ունենալուն։
Quora-ի օգտատերերից մեկը շատ կարևոր հարց է տվել․ "Ինչի՞ մասին նախապես պետք է իմանա այն մարդը, ով որոշել է շուն ունենալ"։
Հաշվի առնելով, որ միայն մարդկային անպատասխանատվության պատճառով է, որ փողոցներում այսքան անօթևան և դժբախտ շներ են հայտնվել, մենք որոշեցինք կիսվել այս նյութով Ձեզ հետ։
Եթե Դուք որոշել եք Ձեր տուն շան ձագուկ բերել, ուրեմն պատրաստվեք հետևյալին՝
Եվ վերջում ուզում եմ հիշեցնել, որ շուն ունենալը դա շատ մեծ պատասխանատվություն է, և ինչ-որ չափով կսահմանափակի Ձեր ազատությունը։
Օրինակ՝
• Այլևս չեք կարող մի քանի օրով տեղ գնալ, եթե տանը ոչ-ոք չի լինելու, կամ պետք է նրան էլ Ձեզ հետ վերցնեք։
• Չեք կարող աշխատանքից հետո ընկերների հետ սրճարան գնալ, քանի որ պետք է վերադառնաք տուն, որպեսզի շանը կերակրեք և տանեք զբոսնելու։
• Դուք չեք կարող հանգստյան օրերին քնել մինչև ժամը 11-ը, քանի որ Ձեր շունը լուսադեմին Ձեզնից կպահանջի, որպեսզի նրան դուրս տանեք։
Եթե մինչ օրս չեք ունեցել պատասխանատվություն ինչ-որ մեկի համար, ապա շունը կօգնի ձեռք բերել այդ անգին փորձը
Դուք կսովորեք պատասխանատվություն կրել կենդանի արարածի համար, կսովորեք պլանավորել Ձեր ժամանակն ու գործերը։
Եվ այսպես, եթե Դուք որոշել եք շուն որդեգրել, ապա Ձեզ կխնդրեի այս հարցի շուրջ ևս մեկ անգամ մտածել, իսկ եթե համոզված եք, որ պատրաստ եք, ուրեմն մի հապաղեք, քանի որ դա գերագույն հաճույք է։
Շուն պահելը թանկ հաճույք է
Շուն պահելը թանկ հաճույք է, քանի որ չի կարելի տնտեսել կեր գնելիս և պետք է հաճախ այցելել անասնաբուժական կլինիկա։ Որքան մեծանում է շունն, այդքան ավելի հաճախ են դառնում այցելություններն անասնաբուժարան։
Չորքոտանի բարեկամ ունենալը մեծ ուրախություն է, բայց համոզված եղեք, որ կարող եք նրան ապահովել համապատասխան խնամքով։ Շունը պետք է համապատասխանի Ձեզ։ Օրինակ՝ եթե Դուք վարում եք ակտիվ կյանք և ամեն օր դուրս եք գալիս վազելու, ապա պետք է ընտրել այնպիսի ցեղատեսակի շուն, որը մեծ հաճույքով կընկերակցի Ձեզ։
Ինչպես նաև պետք է նկատի ունենալ, որ կան այնպիսի ցեղատեսակներ, որոնց բնորոշ է իշխելու հատկությունը։ Եթե Դուք շուն պահելու փորձ չունեք, դժվար թե կարողանաք ճնշել շան այդ հատկությունը և դաստիարակել նրան։ Տուն բերելով շուն՝ տուն եք բերում ընտանիքի նոր անդամի, ով չի կարող ամբողջ օրը մնալ փակի տակ։ Շունը նույնպես ուզում է ժամանակ անցկացնել իր ընտանիքի անդամների հետ և ունի սիրո ու հոգատարության կարիք։
Պարզապես չես կարող նրանից փախչել, քանի որ շանը անհրաժեշտ է տրամադրել ժամանակ։
Եթե ունեք երեխաներ, պետք է ընտրել այնպիսի ցեղատեսակի շան, որը հեշտությամբ է շփվում փոքրիկների հետ, սիրում է խաղալ նրանց հետ և, նույնիսկ, հնարավոր է դառնա նրանց պահապանը։
Համբերություն և միայն համբերություն
Ձագուկը երբեմն կարող է չհամբերել մինչև դուրս հանելը և իր կարիքները հոգալ տանը։ Նա կարող է թափրտել շրջակայքը և կրծել տան իրերը։
Այնպես որ շուն պահելու համար, ամենակարևոր հատկությունը, որ պետք է ունենաք դա մե՜ծ համբերությունն է։ Չէ՞ որ նրանք նույնպես սովորելու կարիք ունեն։
Որքան շատ ուշադրություն եք հատկացնում Ձեր շանը, որքան շատ ժամանակ եք անցկացնում շան հետ, այդքան ամուր է լինում կապը Ձեր և նրա միջև։
