Ամենակարևոր բաներից մեկը, որ ես սովորեցնում եմ մարդկանց, շների հանդեպ հանգիստ և ինքնավստահ մոտեցում ցուցաբերելն է, և առհասարակ, լավ միջոց է կյանքին այս կերպ մոտենալը: Բայց հաճախ ինձ հարցնում են․ «Ինչպե՞ս կարող եմ դա անել»:
Առաջին լավ նորությունն այն է, որ եթե հասկացել եք, թե ինչպես կարելի է լինել հանգիստ, ապա ավելի հեշտ և ինքնաբերաբար կստացվի այն անելը:
Երկրորդ, ավելի լավ նորությունն այն է, որ ցանկացած մարդ կարող է սովորել իրեն հանգիստ և ինքնավստահ կերպով դրսևորել: Ձեզ եմ ներկայացնում 5 միջոց, որոնք կօգնեն այս հարցում:
Անկախ նրանից, թե ինչ է եղել, շունը չի միզի հատակին կամ չի պատառոտի Ձեր սիրելի կոշիկները վրեժ լուծելու համար: Նրանք այսպիսի բաներ անում են այնպիսի դեպքերում, երբ Դուք չեք հոգացել նրանց կարիքները:
Ձանձրույթից նյարդայնացած շները կարող են ավիրել, իսկ անպաշտպան շները կմիզեն, եթե վախենան: Դուք, որպես առաջնորդ, պետք է հասկանաք, որ նրանց մեծ էներգիան սպառվում է վարժություններ կատարելով, որ նրանց կյանքը կառուցված է կանոններով, սահմաններով և սահմանափակումներով, նրանց մոտ առաջանում են ինտելեկտուալ հետքրքրություններ, շները նմանվում են հետքրքրություններով լցված խաղալիքի: Այսպիսի դեպքերում անհրաժեշտ է նրանց մենակ թողնել:
Հիշե՛ք՝ ի տարբերություն երեխաների, Դուք չեք կարող հիմնավորել և բացատրել շներին, որ այն, ինչ նրանք արել են Ձեր բացակայության ընթացքում, սխալ է: Խիստ մի՛ դատեք նրանց պահվածքը և մի՛ անհանգստացեք այդ մասին: Ընդունե՛ք այն որպես մի եղանակ, որով նրանք կարողանում են Ձեզ հասկացնել, թե ինչն է պակասում իրենց կյանքում:
Ամենաարագ միջոցը հասկանալու, թե ինչ էներգիայով եք ներկայանում աշխարհին, Ձեր շանը նայելն է, հատկապես քայլելու ընթացքում: Եթե նա հանգիստ և անհոգ չէ, ապա Դուք էլ այդպիսին չեք: Ձեր շունը գազազա՞ծ է քայլում այլ շան կողքով: Հավանաբար Դուք ևս ջղաձգվում և լարվում եք ենթադրելի շան ներկայությունից: Շունը չի՞ ուզում զբոսնել, չի՞ ցանականում հետևել Ձեզ կամ փորձում է Ձեզ հետ քաշել տու՞ն: Պատկերացրեք Ձեր զգացոզություններն այդ պահին: Դուք հավանաբար կբարկանաք և անվստահություն կզգաք: Ինպե՞ս է Ձեր շունը իրեն պահում տանը: Թռչկոտու՞մ է պատերի վրա, թե՞ հանգիստ է: Սրանք ևս արտացոլում են Ձեր էներգիան: Այս ամենի մեջ լավագույն բանն այն է, որ շունը Ձեզ համար կարող է ծառայել որպես զգացմունքի թերմոստատ, որով կստուգեք և կհասկանք Ձեր հոգեկան <<ջերմությունը>>:
Ասացվածքում (որն, ըստ երևույթին, վերագրվում է Լաո Ցուին) ասվում է. <<Եթե Դուք ընկճված եք, ուրեմն ապրում եք անցյալով: Եթե մտահոգ եք, ապրում եք ապագայով: Եթե հանգիստ եք, ուրեմն ապրում եք ներկայով:>>
Մեր բացասական զգացմունքները և ոչ կայուն հոգեվիճակը գալիս են ներկայով չապրելու հանգամանքից: Անցյալը մեզ մոտ առաջացնում է ափսոսանք՝ մեր արած կամ չարած բաների համար, մինչդեռ ապագան մեզ մոտ անհանգստություն է առաջացնում, քանի որ մենք մտածում ենք մեր նպատակների կատարվելու կամ չկատարվելու մասին:
Մենք չենք կարող փոխել անցյալը և չենք կարող ապրել ապագայով, մինչև այն ներկա չդառնա: Կենտրոնանալով այն ամենի վրա` ինչ կատարվում է այս պահին, կկարողանանք գտնել հանգստություն: Ահա, թե սովորաբար ինչ են անում մեր շները, և սա, իրոք, մեծագույն դասերից մեկն է, որ կարող ենք սովորել նրանցից:
Կանոնավոր կերպով Ձեր ժամանակն անցկացրեք բնության գրկում: Դա կարող է լինել այգին, ծովափը, լեռները կամ անապատը՝ այնպիսի վայր, որը կգրավի Ձեզ: Դրեք հեռախոսը մի կողմ(կամ անջատեք այն), զբոսնեք շան հետ․վայելեք այն ամենն, ինչը շրջապատում է Ձեզ:
Սովորեք լսել բնության ձայնը և ականատես եղեք հողի, բույսերի և կենդանիների շփմանը (վայրի թռչունները շատ հաճախ միմյանց հետ ունենում են հետաքրքիր զրույցներ): Դադարե՛ք մտածել այն մասին, թե ինչ է կատարվում Ձեր ամենօրյա մարդկային կյանքում և կենտրոնացեք զգացողությունների վրա՝ ինչ եք տեսնում, լսում, ինչ հոտ եք զգում և ինչ զգացողություններ եք ունենում: Խորը շունչ քաշեք և նույնիսկ մեդիտացիայով զբաղվեք:
Ձեր շունը ապրում է հենց այս աշխարհում: Սա նաև այն աշխարհն է, որտեղ ծնվել է մարդը: Մեզ համար ուղղակի հեշտ է այս ամենը չնկատելը:
Հազվադեպ է լինում, երբ շունը կատարյալ է լինում՝ վարժեցված է լինում տնային պայմաններին, երբեք չի ավիրում այն, ինչ իրեն չի պատկանում և շուտ հնազանդվում է: Շնորհավորում եմ Ձեզ, եթե ունեք այդպիսի շուն: Եթե չունեք, ապա նման եք շատ շան տերերի: Հաճախ նույնիսկ թվում է, թե երբեք էլ չեք կարողանա լուծել այդ խնդիրը: Այնուամենայնիվ, այս վերաբերմունքը կարող է ծուղակի վերածվել: Հիշեք, թե ինչ էի ասում ապագայով ապրելու մասին: Դե ինչ,անհանգստանալ այն մասին, որ երբեք էլ չեք կարողանա փոխել Ձեր շան բնավորությունը, նույնն է, ինչ ապրել ապագայով, և եթե Դուք մտածում եք, որ երբեք էլ արդյունքի չեք հասնի, հավատացած եղե՛ք, դա այդպես էլ կլինի:
Ուշադրություն դարձրեք կատարվող ամենաչնչին հաջողություններին: Շատ շուտով այդ փոքրիկ հաջողությունները կկատարվեն ավելի հաճախ, իսկ հետո Դուք կունենաք միջին, այնուհետև մեծ հաջողություններ: Այդ ժամանակ արդեն կդադարեք անհանգստանալ այն մասին, թե ինչ է լինելու և կսովորեք վայելել այն, ինչ կատարվում է:
Հանգիստ և ինքնավստահ կերպով հանդես գալ սովորելը մեծ առեղծված չէ: Մարդիկ, հաճախ նաև երեխաները, գիտեն, թե ինչպես է պետք անել դա: Դա նոր հմտություն չէ, որ պետք է սովորել: Դա ի ծնե ունեցած բնավորության գիծ է, որը պետք է միշտ հիշել: Դրան հմտորեն տիրապետելը Ձեր և Ձեր շան միջև եղած հարաբերությունները կտեղափոխի նոր մակարդակ:
Եղե՛ք հանգիստ!
Նյութը թարգմանվել է Hafo.am-ի կողմից
