Ինչպես դառնալ խմբի առաջնորդը։ Ահա Ցեզարը Միլանի 6 կարևոր խորհուրդները"
Շան մայրը սկսում է իր ձագուկին վարժեցնել ծնված օրից: Նա ձագուկին սովորեցնում է սպասել մինչև ուտելիքը կբերվի, նա է վերահսկում, թե երբ է պետք խաղալ կամ ինչքան հեռու կարելի է գնալ: Մեծ շները իրենց վարժեցման ընթացքում ևս ունեն այս կանոնների և Ձեր,այսինքն իրենց տիրոջ կողմից արված սահմանափակումների կարիքը:
Առաջնորդն, առհասարակ, չպետք է լինի շատ զգացմունքային և դյուրագրգիռ, ուստի Դուք ևս չպետք է լինեք այդպիսին: Բնության մեջ նա իր հանգստությամբ և ինքնավստահությամբ կարող է ազդեցություն գործել շան վրա, ինչի միջոցով կսովորեցնի վերջինիս շրջակայքում իրեն դրսևորել համապատասխան կերպով: Առաջնորդն այս կանոնները պարտադրում է հանգիստ կերպով, ինչպես օրինակ, մայր շունը ձագուկին գտնում և հետ է բերում՝ բռնելով նրա վզից, երբ նա բնից դուրս գալով՝ մոլորվում է:
Տարածքի սեփականությունը ևս շատ կարևոր է: Բնության մեջ շները տարածքն ընտրում են և ծանոթանում նրա հետ նախ իրենց հանգիստ և ինքնավստահ կեցվածքով, և հետո արդեն ժեստերով և տեսողական համակարգի միջոցով: Եթե շունը հասկանում է, որ Դուք, որպես առաջնորդ, հանդիսանում եք այդ տարածքի սեփականատերը, որտեղ նա է ապրում, ապա կընդունի Ձեր՝արդեն ընդունված հեղինակությունը մարզումների ժամանակ:
Սպասել կարողանալը, ևս մեկ այլ եղանակ է, որով առաջնորդը հաստատում է իր դիրքը: Ձագուկները կարող են սպասել իրենց սնվելու ժամանակին, իսկ մեծ շները կսպասեն այնքան, մինչև իրենց տերը թույլ կտա նրանց զբոսնել: Շներին սպասել սովորեցնելն իրենց հետ տարվող հոգեկան աշխատանքի ձև է: Ընտանի կենդանի լինելով հանդերձ՝ նրանք կարիք չունեն սնունդ որսալու, բայց պետք է աշխատեն այն ստանալու համար:
Հաստատե՛ք Ձեր՝ առաջնորդի դիրքը՝ կարգադրելով շանն աշխատել: Կերակրելուց հետո նրան տարեք զբոսնելու: Եթե Դուք հոգ չեք տանում շան մասին այն ժամանակ, երբ նա հանգիստ և հնազանդ չի լինում, ապա մի կերակրե՛ք նրան, եթե չի գտնվում հանգիստ վիճակում և չի հնազանդվում Ձեզ: Վարժությունները կօգնեն շներին, հատկապես մեծ էներգիա ունեցողներին դրսևորել իրենց այդ կերպ:
Առաջնորդ լինելու ամենակարևոր պայմաններից մեկը ճիշտ խումբ ընտրելն է: «Ես ուզում եմ իմանալ իմ խումբը և թե ինչ է անհրաժեշտ նրանց»: Ահա, թե ինչն է ստեղծում ներդաշնակություն: Շան մարզումների գրաֆիկը ստեղծելը, որոշակի նպատակներ դնելը և դրանց հետևելը կարող է ավելի ամրացնել Ձեր և շան միջև եղած շփումը, կապը և դրա խորությունը: Իմ կարծիքով ամենակարևոր բանը հարգանքն է Ձեր և Ձեր շան միջև (Ցեզար Միլան)։
Ահա թե ինչն է իսկական առաջնորդին տարբերակում մնացածից: Նրանք անկեղծ են: Նրանք իրական են: Նրանք պատասխանատվություն են կրում: Նրանք պահում են շփումը: Նրանք միշտ հասանելի են: Նրանք հարգալից են: Նրանք հավասարակշռված են: Եվ վերջապես, նրանք ճանաչում են իրենց խմբին: Այս բոլոր ճանապարհներով խմբի առաջնորդը ստեղծում է կանոններ, դնում է սահմաններ և սահմանափակումներ իր խմբի առաջ և այս կերպով էլ զարգացնում է շան առողջ միտքը:
Նյութը թարգմանվել է Hafo.am-ի կողմից
