ՄԵնք բոլորս հավանաբար տեսել ենք այն «մեղավոր հայացքը», որը շները ցույց են տալիս մեզ , երբ մենք նրանց բռնացնում ենք վատ բան անելիս և պատժում։ Մարմինը իջեցված, ականջները, գլուխը և պոչը կախ, հավանաբար զգուշացնող աչքերով։
Արդյո՞ք նա մեղավոր է իրեն համարում, թե պարզապես այդպես է ցույց տալիս, և ի՞նչ է կատարվում նրա գլխում, երբ պատիժն ավարտվում է։
Շները ապրում են պահի ազդեցության տակ, այսպիսով այդ ցուցադրական հնազանդությունը տևում է այնքան, որքան նրանք ցուցադրում են։
Լավ օրինակ է այն ռեակցիան, որը ցույց են տալիս շները, երբ իրենց տերերը վերադառնում են տուն՝ օրվա մեծ մասը բացակայելուց հետո։ Շունը հնարավոր է անցկացնի իր օրը թախծոտ շրջելով , սպասելով ձեր վերադարձին, բայց այն վայրկյանին, հենց դուք տուն եք մտնում, տխրությունը փոխվում է ուրախության, քանի որ այդ պահին դուք այնտեղ եք։
Երբևիցե պատահաբար կանգնե՞լ եք ձեր շան թաթին կամ պոչին, որը նրան ստիպում է ցատկել կամ վնգստալ։ Մի՛ անհանգստացեք։ Նրանք սա չեն ընդունում որպես վիրավորանք։ Փաստացի, շատ շներ ցուցադրում են հնազանդ վարք նրանց թաթին կանգնելուց հետո։ Ի՞նչ կլինի, եթե դուք վերցնեք շան խաղալիքը , քանի որ նրա խաղաժամը ավարտվել է։ Նրանք կձևացնեն, թե նեղացած են այդ պահին, սակայն չեն անցկացնի աբողջ օրը մտածելով- «Դու վերցրիր իմ սիրելի խաղալիքը։ Ես քեզ ատում եմ»։
Եթե ուզում եք համոզված լինել , որ ձեր շունը երբեք չի նեղանա, ապա Դուք՝ որպես առաջնորդ , պետք է տաք նրան այն ամենը , ինչի կարիքը նա ունի՝ կանոններ, սահմաններ, սահմանափակումներ, վարժանք, կապվածություն։
Ձեր շանը երջանիկ պահելու համար ՝ համոզվեք, որ նա սոցիալականացվում է մարդկանց և այլ շների հետ , բայց հիշեք, որ նրա էներգիան գալիս է ձեր տրամադրությունից։ Դուք չեք կարողանում նրան սոցիալականացնել, քանի որ վախենում եք , որ վատ բան կպատահի, քանի որ այն պատահել է նախկինում։
Դա մարդուն բնորոշ հատկանիշ է, այլ ոչ թե շան։ Շները չարություն չեն պահում։ Նրանք այդպիսին են միայն, եթե նրանց շրջապատի մարդիկ բացասական են արձագանքում, քանի որ այդ ժամանակ մենք ասում ենք մեր շներին նույն կերպ վարվել։
Այսպիսով՝ հաջորդ անգամ դուք ստիպված եք լինելու ձեր շանը ուղղղել կամ կարգուկանոն հաստատել։ Մի՛ անհանգստացեք։ Նա ձեզնից դրա համար չի նեղանա ։ Նա նույնիսկ չի հիշի դրա մասին 5 րոպեից։
Սա այն հրաշալի հատկանիշներից մեկն է, որ մենք կարող ենք սովորել շներից ։
