Սա շանը հնազանդեցնելու ամենահեշտ հրամանն է և համարվում է վարժեցման առաջին քայլը։
Կրկնեք այս առաջադրանքն օրը մի քանի անգամ մինչև ձեր շունը սովորի այն։ Հետո փորձեք ասել նրան նստել ճաշի ժամին, զբոսանքի գնալիս և ուրիշ այլ իրավիճակներում, երբ ցանկանում եք, որ ձեր հավատարիմը հանգիստ մնա։
Այս հրամանը կօգնի հեռու պահել շանը վտանգից նրան ձեզ մոտ կանչելով, երբ բաց եք թողել նրա կապը կամ էլ մոռացել եք փակել դուռը։
Ձեր շան վզկապը կապեք
Կռացեք այնպես, որ հավասարվեք նրան ու ասեք «արի»՝ միաժամանակ նրբորեն քաշելով կապը
Երբ նա կատարի հրամանը և մոտենա ձեզ, շոյեք նրան և տվեք ուտելիք
Երբ նա կատարի տվյալ առաջադրանքը կապով, հանեք այն և կատարեք հրամանն ապահով փակ տարածքում։
Այս հրամանը կարող է ավելի դժվար ստացվել վարժեցման ընթացքում։ Ինչո՞ւ։ Քանի որ այս դիրք ենթարկվելու կեցվածքն է։ Դուք կարող եք այն հեշտացնել դրական վերաբերմունքով և հանգիստ իրավիճակում, հատկապես վախկոտ և անհանգիստ շների հետ։
Վերցրեք համեղ և ախորժալի բույրով ուտելիք և պահեք այն ձեր բռունցքի մեջ
Ձեր ձեռքը պահեք նրա քթի վերևում։ Երբ նա հոտն առնի, իջեցրեք ձեր ձեռքը գետնին այնպես, որ նա հետևի նրան
Հետո նրա դիմաց շարժեք գետնի վրայով ձեր ձեռքը՝ ներշնչելով նրա գլխին հետևել այդ շարժումներին
Երբ նա արդեն պառկած դիրքում է, ասեք «պառկել», տվեք ուտելիքը և սիրեք
Այս առաջադրանքը օրը մի քանի անգամ։ Եթե շունը փորձի նստել կամ էլ հրել ձեր ձեռքը, ասեք «ոչ» և տարեք այն այլ կողմ։ Մի փորձեք նրան նստեցնել հրելով և հետևեք, որ շունը լինի ճիշտ դիրքում։ Վերջիվերջո, առաջադրանքը մի քանի անգամ կատարելուց հետո նա կհասկանա այն։
Այս առաջադրանքին անցնելու համար համոզվեք, որ ձեր շունը սովորել է «նստել» հրամանը։
Սկզբում ասացեք նրան «նստել»
Հետո ձեր ձեռքի ափը բացած պահեք ձեր առաջ և ասեք «մնա»
Մի քանի քայլ ետ գնացեք։ Եթե նա մնա տեղում, տվեք նրան պարգևատրում(ուտելիք) և սիրեք
Աստիճանաբար ավելացրեք ձեր քայլերի քանակը նախքան ուտելիք տալը
Միշտ պարգևատրեք նրան հրամանը կատարելիս, նույնիսկ, եթե այն մի քանի վարկյանով է
Այս վարժություը ձեր շան ինքնակառավարման համար է, ուստի մի հուսահատվեք, եթե առաջադրանքն ավելի երկար տևի, հատկապես ձագերի և էներգետիկ շների մոտ։
Այս հրամանը կօգնի ձեր հավատարիմ ընկերոջը հեռու մնալ վտանգներից, երբ նրա հետաքրքրասիրությունը գլուխ բարձրացնի, և նա սկսի հոտոտել գետնին հետաքրքրող ինչ որ բան, որն իրականում վտանգավոր է։ Նպատակը՝ սովորեցնել նրան ստանալ ավելի լավ բան՝ թողնելով այդ իրը։
Երկու ձեռքում պահեք ուտելիք
Նրան ցույց տվեք փակված բռունցքով ուտելիքը և ասեք «թող այն»
Թույլ տվեք նրան լպստել, հոտոտել, թաթով դիպչել և փորձել այն ստանալ։ Անտեսեք նման պահվածքը
Երբ ձեր շունը դադարի փորձել, նրան տվեք մյուս ձեռքի ուտելիքը
Կրկնեք այս վարժությունը այնքան, մինչև նա առաջին բռունցքի ուտելիքից հրաժարվի «թող այն» հրամանից հետո։
Հաջորդ քայլին նրան ուտելիք տվեք միայն այն ժամանակ, երբ նա հեռու գնա առաջին բռունցքից և նայի ձեզ
Երբ ձեր "աշակերտը" հետևողականորեն հրաժարվի առաջին ուտելիքից՝ նայելով ձեզ և սպասելով հրամանին, ապա դուք պատրաստ եք հաջորդ քայլն անելու։ Դրա համար պետք է վերցնել երկու տարբեր ուտելիքներ, մեկը որ լինի նորմալ, իսկ մյուսը ավելի բուրումնավետ և համեղ։
Ասեք «թող այն» և դրեք սովորական ուտելիքը գետնին՝ ծածկելով այն ձեռքով
Սպասեք մինչ շունը կանտեսի այդ ուտելիքը և կնայի ձեզ։ Հետո վերցրեք այդ ուտելիք գետնից, տվեք նրան համեղ համեղ պատառը և անմիջապես շոյեք
Երբ նա հասկանա առաջադրանքը, դրեք սովորական ուտելիքը նորից գետնին, բայց այս անգամ ամբողջովին մի ծածկեք այն։ Ընդհակառակը՝ ձեռքը պահեք ուտելիքի վերևում։ Աստիճանաբար հեռվացրեք այն, այնպես, որ լինի 15սմ բարձրության վրա
Եթե նա փորձի հոտոտել կամ վերցնել գետնին դրված ուտելիքը, ոտքով փակեք այն
Մի՛ շտապեք։ Հիշե՛ք` այս գործընթացը պահանջում է ժամանակ: Դուք շատ բան եք պահանջում ձեր շնից, և նա իրոք փոձում է հասկանալ ու կատարել հրամանները։ Վարժեցման ընթացքում ցուցաբերեք միայն դրական վերաբերմունք և համբերություն։ Բոլոր շներն էլ ունակ են սովորելու, անհրաժեշտ է միայն գտնել Ձեր շանը վարժեցնելու լավագույն մեթոդները։
Նյութը թարգմանվել է Hafo.am-ի կողմից
