Ցեղատեսակն իրենից ներկայացնում է կենդանիների խումբ, որը բնութագրվում է ժառանգաբար փոխանցվող որոշակի հատկանիշներով ու առանձնահատկություններով: Դա տնային կենդանիների հատուկ խումբ է, որն ունի միանման տեսք, միանման պահվածք և բնավորության գծեր, սակայն տարբերվում է միևնույն տեսակի այլ օրգանիզմներից։ Ցեղատեսակները ձևավորվել են գենետիկ մեկուսացման, շրջակա միջավայրի հարմարվողականության ու ընտրողական բուծման արդյունքում կամ էլ այս երկուսի համադրությամբ։
Հետևաբար, ցեղատեսակը չի հանդիսանում օբյեկտիվ կամ կենսաբանորեն հաստատված դասակարգում, դրա փոխարեն այս բառը հանդիսանում է կարևոր տերմին բուծողների խմբերի շրջանում, ովքեր տարբերակում են, թե որ հատկություններ են առանձնացնում մի տեսակի անդամներին մյուսներից։
Շների ցեղատեսակներն ունեն միանման ֆիզիկական հատկություններ, ինչպիսիք են չափսերը, մորթու գույնը, կառուցվածքն ու բնավորությունը, որոնք մշակվել են մարդկանց կողմից վերահսկվող պայմաններում։ Կինոլոգիայի միջազգային Ֆեդերացիան առանձնացնում է 10 հիմնական ցեղատեսակի խումբ և մոտ 400 մաքրացեղ շան ցեղատեսակ։
2017 թվականին գիտնականները հայտնաբերեցին, որ 9000 տարի առաջ արդեն գոյություն ուներ ընտանի կենդանին։ Հյուսիս-արևելյան Սիբիրում մարդիկ բուծում էին շներին՝ նրանց օգտագործելու սահնակ քաշելու կամ էլ որսի ժամանակ օգնելու համար։ Շների մաքսիմալ չափսերը կազմում էին 20-25 կգ։ 2000 տարի առաջ այդ տարածաշրջանում նույն ստանդարտները հայտնաբերվել են սահնակ քաշող շների մնացորդների մեջ, որոնք նույնպես համապատասխանում են ժամանակակից Սիբիրյան Հասկիների չափանիշներին։ Այլ շներն ունեցել են ավելի մեծ չափսեր(30կգ), որոնք եղել են գայլերի խառնուրդներ և օգտագործվել են բևեռային արջեր որսալու նպատակով։
Սիրով՝ Hafo.am։
Եղե՛ք տեղեկացված
