Բոլորս գիտենք, որ մեր շները նման են փոքրիկ երեխաների, միայն թե փրչոտ են, հաչացող և շատ լկստված։ Փոքր երեխաների համար մինչև 6 տարեկանը խաղը համարվում է առաջնային գործունեություն։ Այն շատ կարևոր է նրանց ճիշտ և լավ զարգացման համար։
Խաղը կարևոր դեր ունի նաև շների համար, քանի որ հենց դրա հիման վրա են կառուցվում Ձեր և Ձեր շան ներդաշնակ հարաբերությունները։ Դա շատ կարևոր իրադարձություն է: Խաղը շան հետ չպետք է դիտարկել որպես լրացուցիչ «բոնուս» ձեր հարաբերություններում, այլ որպես առողջ ապրելակերպ Ձեր երկուսի համար։ Այս ամենը նպաստում է, որ մեր չորքոտանի բարեկամն ավելի լավ դրսևորի իրեն տարբեր միջավայրերում, լինի ավելի երջանիկ ու վստահ:
Լինել կենսուրախ և հետաքրքիր տեր ձեր շան համար, նշանակում է կառուցել ամուր և առողջ հարաբերություններ նրա հետ: Երբ դուք երջանկության ու զվարճանքի «աղբյուր» եք լինում, այդ ժամանակ նա կապվում է ձեզ հետ, որովհետև հավանում ու հավատում է։
Կառուցեք ամու՛ր, ներդաշնա՛կ և փոխադարձ սիրո՛վ լեցուն հարաբերություններ Ձեր հավատարիմ հրաշքների հետ։
Նյութը թարգմանվել է Hafo.am-ի կողմից
