Ծագումն ու զարգացումը
Մինի Պինչեռ կամ Ցվեռգպինչեռ ցեղատեսակն առաջացել է Գերմանիայում՝ որսալու մասնավորապես տան և ախոռների առնետներին։ Շատերը կարծում են, որ Մինի Պինչեռի ցեղատեսակը ծագել է Դոբերմանից, քանի որ նրանք շատ նման են վերջիններիս։ Բայց դա այդպես չէ։ Մինին ավելի հին ցեղատեսակ է։ Չնայած, որ երկուսն էլ առաջացել են Գերմանիայում, Դոբերմանի նախնիները եղել են Ռոտվելիեռները, մինչդեռ Մինի Պինչեռներինը համարվում են Տաքսաները և Իտալական Գրեյհունդերը։
Մինիները հայտնի են «Խաղալիքների թագավոր» անունով՝ իրենց նրբագեղ տեսքի և ինքնավստահության համար։ Նրանց անվանել են նաև Այծյամ Պինչեռ՝ այծյամին կամ էլ փոքր եղնիկին նման լինելու համար։
Այս ցեղատեսակի զարգացումը սկսվել է 1895 թվականից, երբ գերմանացի բուծողները ձևավորել են "Պինչեռի Ակումբ"։ Մինին առաջին անգամ ներկայացվել է Շտուտգարտի շների ցուցահանդեսին 1900 թվականին։ Առաջին Համաշխարային պատերազմից հետո նա բերվել է Սկանդինավյան երկրներ, իսկ 1919 թվականին՝ Միացյալ Նահանգներ։
Առանձնահատկությունները
Չնայած Ցվեռգպինչեռն ունի նուրբ խաղալիքի տեսք, նա ուժեղ ու դինամիկ անհատականություն է։ Եթե նրան տաք հնարավորություն, նա կկառավարի ձեզ և ձեր տնային տնտեսությունը։ Եթե մտածում եք պահել Պինչեռ, պետք է լինեք ուժեղ լիդեր։ Նրա վարժեցումն ու սոցիալականացումը շատ կարևոր է։
Պինչեռն ունի էլեգանտ տեսք, նրա պարանոցը և մկանոտ մարմինը վստահություն են ներշնչում։ Նա ունի հարթ, հեշտ խնամվող մազեր՝ կարմիր, սև և շագանակագույն երանգներով։ Ականջները հաճախ կտրված են լինում, բայց շատերը նախընտրում են թողնել բնական տեսքով։
Էներգիայով լեցուն այս շները շատ հետաքրքրասեր են և սիրում են բացահայտել և ուտել «ամեն ինչ»։ Շատ կարևոր է հետևել նրանց, քանի որ նրանք փախուստի փորձառու վարպետներ են։ Խորհուրդ չի տրվում դրսում բաց թողնել կապը։
Առանց կանոնավոր վարժությունների և վարժեցման՝ Պինչեռը կարող է դառնալ տան «բռնապետը»։
Զարմանալի չէ, որ այս ինքնավստահ ցեղատեսակը հիանալի հսկում է տունը և իր տարածքը։ Նա կասկածամիտ է անծանոթների նկատմամբ և անվախ, երբ հանդիպում է իրական վտանգի։ Մինի Պինչեռները չեն սիրում փոքր երեխաներին, սակայն հիանալի ընկերներ են 10-ից մեծ երեխաների համար, ովքեր գիտեն ինչպես վերաբերվել իրեն՝ հարգանքով և ուշադրությամբ։
Այս ցեղատեսակի փոքր չափսերը շատ հարմար են բնակարանում ապրողների համար։ Եթե լավ վարժեցված է փոքր տարիքից, լավ հարմարվում է մյուս շների հետ։
Մինի Պինչեռները շատ զգայուն են ցրտի հանդեպ, դրա համար ձմռանը նրան անհրաժեշտ է տաք հագուստ։
Սննդակարգ
Խորհուրդ է տրվում 1-1/5 բաժակ բարձրորակ չոր կերակուր, օրը 2 անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը:
