Տիբեթյան Մաստիֆ

Պատմությունը 

ԴՆԹ թեստը ցույց է տալիս, որ մաստիֆ տեսակը ծագել է 5000 տարի առաջ Տիբեթում, և կասկած չկա, որ տիբեթյան մաստիֆն այս տեսակի ժառանգորդն է։ Նրանք լինում են 2 տեսակ՝ դոքեյներ, որոնք ապրում են գյուղերում կամ շրջում քոչվոր հովիվների հետ և հանդիսանում են հոտի պահապաններ, և սանգքեյներ, որոնք հանդիսանում էին բուդդայական վանականների կամ լամաների, որոնք ապրում էին վանքերում, պահապանները։ 
Քիչ բան է հայտնի այս հրաշքների մասին մինչև 1800-ականները։ Այդ թվականին կապիտան Սամուել Թյորներն իր հուշագրում՝ «Դեսպանատան հաշվետվությունը Տիբեթի Տեշու Լամաների դատարանին», հիշատակում է մեծ շների մասին, սակայն չի նկարագրում նրանց։  

1874 թ-ին Ուելսի արքայազնը, ով հետագայում դարձավ Էդուարդ VII  թագավորը, Անգլիա ներմուծեց  2 և ավելի  տիբեթյան մաստիֆ, և նրանց ցուցադրեցին Վիկտորիա պալատի շոուի ժամանակ։ Շարունակվեց վերջիններիս ներմուծումը Անգլիա և Եվրոպա, և Տիբեթյան Մաստիֆի բուծման առաջին ակումբը բացվեց 1931 թ-ին։ 2-րդ Համաշխարհային Պատերազմը վերջ դրեց այս շների բուծմանը մինչև 1976 թ, երբ անգլիացի բուծողները նորից սկսեցին նրանց ներկրումն Անգլիա։ 

Իր ազնվական տեսքով, երկար մորթիով , գրավիչ գույներով և գեղեցիկ պոչով մաստիֆը կարող է գրավել շրջապատի ուշադրությունը, երբ նրա հետ քայլեք փողոցով։ Բայց եթե սա այն ամենն է,  ինչի համար ուզում եք նրան, նա ձեզ համար հարմար չէ։  

Տիբեթյան Մաստիֆի առավելություններն ու թերությունները

Նախքան նրա թերությունները քննարկելը, սկսենք առավելություններից։ Տիբեթյան Մաստիֆը քնքուշ է, նուրբ, համբերատար և հասկացող։ Մարդկանց հետ դարեր շարունակ աշխատելու շնորհիվ նա շատ զարգացած է և լավ է հասկանում նրանց։ 

Այս հրաշք արջուկն աշխատասեր է, իր ընտանիքի պաշտպանն է՝ անվախ և հավատարիմ։ Նրա մեծ չափսերի հաշվին  լավ պահապան շուն է։
Բայց այս ամենի հետ մեկտեղ այս ցեղատեսակի շունն անկախ պահապան է, ով ոչ միշտ ձեզ կհետևի ։ Նա կվայելի ձեր ուղեկցությունը, սակայն միշտ չէ, որ կենթարկվի, հատկապես այն իրավիճակներում, երբ նա համոզված է, որ ճիշտ է։ Տիբեթյան Մաստիֆը համառ է և երբեմն ենթարկվող չէ և իրեն լավ չի դրսևորում ճկունության մրցություններում։ 

Բնավորությունը

Տիբեթյան Մաստիֆներն ընդհանուր առմամբ հանգիստ շներ են, եթե նրանց կարիքներն ապահովված են։ Բայց եթե նրանց թողնեք դրսում, ստիպված կլինեք լսել անդադար հաչոց այնքան ժամանակ, մինչև ներս թողնեք այս համառին։ 
Եթե դուք ունեք այգի, վստահ եղե՛ք, որ այն լավ ցանկապատված է։ Նրանք  կարող են մագլցել ցանկապատերը և փախչել։ Եվ երկար ժամանակ նրանց դրսում մի՛ թողեք, քանի որ կարող են հողը փորել ու դառնալ ագրեսիվ։  

Որոշ պայմաններում այս առյուծանման հրաշքները շատ համբերատար են իրենց  ընտանիքի երեխաների նկատմամբ, եթե մեծացել են վերջիններիս հետ։ Սակայն սովորաբար նրանք հարմար չեն այն ընտանիքների համար, ովքեր տանը ունեն փոքր երեխաներ։ Տիբեթյան Մաստիֆը կարող է երեխաների աղմուկն ու ճիչն  ագրագրեսիվ պահվածքի նշան համարել, և կարող է չթողնել երեխայի ընկերներին այցելել ձեզ։ Սոցիալականացումը շատ կարևոր է այս ցեղատեսակի համար։  Տարե՛ք ձեր տարեց շանը կամ ձագուկին մարդաշատ վայրեր, այգիներ, երեկույթների  որքան հնարավոր է շատ , որպեսզի հասկանաք՝ արդյոք նա իրեն կասկածելի չի դրսևորում որոշ մարդկանց նկատմամբ։ 

Տիբեթյան Մաստիֆը մարդկանց հետ կապված շատ կարևոր բնազդ ունի ․եթե նա չի սիրում ինչ-որ մեկին, ապա դրա համար միշտ կա պատճառ։ Նրանց չեք կարող առանց վզկապի ման տալ և պետք է միշտ նրանց տանել զբոսնելու տարբեր ճանապարհներով, որպեսզի նա սեփականատիրական վարքագիծ չդրսևորի որոշակի երթուղու նկատմամբ։ 

Այս հսկան կարող է հրաշալի շուն լինել տիրոջ կամ տան համար, սակայն նա չի հարմարվում ցանկացած ապրելակերպի։ Եթե դուք հետաքրքրված եք այս ցեղատեսակով, խոսեք այն մարդկանց հետ , ովքեր պահում են նրանց։ 
Մի բան հաստատ է․ եթե դուք որդեգրեք այս շանը, ձեր կյանքը կլինի շատ հետաքրքիր և արկածներով լի։ 

Առանձնահատկությունները 

Մտածեք այն մասին, որ փոքրիկ Տիբեթյան Մաստիֆը դառնալու է 40 կգ-ոց  շուն, որը կարող է չհամապատասխանել ձեր բնակարանի չափսերին։ 
Նա ակտիվ է առավոտյան և երեկոյան, և եթե ձեր ժամատախատակը չի համապատասխանում վարժեցնել նրան այս ժամանակահատվածում, ապա այս 
ցեղատեսակը ձեզ համար չէ։ 

Տիբեթյան մաստիֆին չպետք է թողնել ապրել դրսում, քանի որ նա ուղեկից շուն է և միշտ ձգտում է իր ընտանիքի ներկայությանը։ 
Նա խելացի է, համառ և անկախ, սակայն շատ զգայուն մարդկանց տրամադրության նկատմամբ։ Կարող է տխուր լինել, եթե դուք բարկանաք ձեր երեխայի վրա կամ վիճեք ձեր ամուսնու հետ։ Նրանք միշտ վայելում են ձեր ներկայությունը , սակայն շողոքորթ չեն։ 

Սննդակարգ

Խորհուրդ է տրվում 4-6 բաժակ բարձրորակ չոր կերակուր օրը 2 անգամ:

Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը։