Ծագումը
Ուժեղ և հավասարակշռված Սամոյեդը սկզբում եղել է որսորդների օգնական և սահնակ տեղափոխող Սիբիրում ապրող Սամոյեդյան մարդկանց համար։ Ասում են՝ սամոյեդցիներն այս աշխատող շներին շատ լավ են վերաբերվել` թույլ տալով լինել ընտանիքների կողքին։ Ահա թե ինչու այս ցեղատեսակի շները մինչ օրս շարունակում են մնալ հավատարիմ և վստահելի։
Նրանք սկզբում քաշել են սահնակներ, հսկել եղջերուների հոտին, մասնակցել որսին և պաշտպանել իրենց տերերին գիշատիչներից։ Դրանց հետ մեկտեղ նրանք ապրել են մարդկանց մոտ, խաղացել երեխաների հետ և ջերմացրել նրանց ցուրտ եղանակին։
Սամոյեդը Սիբիրից տեղափոխվել է 19-րդ դարի վերջերից, իսկ 20-րդ դարի սկզբից մասնակցել բևեռային արշավանքներին։ Դրանցից ամենահայտնին Պարոն Էռնեստ Շեկլետոնի հայտնի ճամփորդությունն է դեպի Անտարկտիկա։ Այս շները վերապրել են սարսափելի դժվարություններ հետազոտողների հետ։ Միայն ամենաուժեղ և ամենաառողջ սամոյեդներն են գոյատևել այդ արշավանքների ժամանակ։
Ասում են՝ նրանք առաջին անգամ բերվել են Անգլիա։ Այս ցեղատեսակը եղել է Թագուհի Ալեքսանդրիայի ամենասիրելի շունը։ Սամոյեդը խելացի, արժանապատիվ և ընտանեկան շուն է։ Ինչպես բոլոր շները, այնպես էլ նա, ընտանիքում ընտրում է մեկին որպես տեր, բայց հավատարիմ է նաև մյուս անդամներին։
Սամոյեդի առանձնահատկությունները
Սամոյեդն առանձնանում է իր հաստ սպիտակ, փափուկ «վերարկու»,-ով։ Պատրաստ եղեք տեսնել նրա գեղեցիկ մազերն ամենուր։ Դրա համար նրանց անհրաժեշտ է այնպիսի պատասխանատու տեր, ով պատրաստ կլինի հետևել նրա մազերի խնամքին։
Այս ցեղատեսակի շները շատ ընկերասեր և խելացի են, սակայն համարվում են «շատախոս»։ Իրենց հավանությունը և «չհավանությունն» արտահայտում են հաչելով և ոռնալով։
Նրանց անհրաժեշտ է միշտ զբաղեցնել, հակառակ դեպքում «կմիացնեն» իրենց ավերելու բնավորությունը և կսկսեն փորել, ցանկապատից դուրս ցատկել, աղբի մեջ մտնել և կոշիկները ծամել։
Մինչ այսօր նրա մոտ զարգացած է որսորդական բնազդը, ինչի պատճառով էլ դժվար է դիմադրել կատուներին և այլ կենդանիներին չհետևելուն։
Սամոյեդների համար շատ կարևոր է ընտրել վարժեցման ճիշտ մեթոդ։ Նրան միշտ անհրաժեշտ է զբաղեցնել օրական խաղերով, զբոսանքներով և վարժություններով։ Այս սպիտակամորթիկն ունի գեղեցիկ ժպիտ, որն էլ բացահայատում է նրա ընկերասեր և բարի բնավորությունը։ Լավ վարժեցված Սամոյեդը շատ հավատարիմ է իր ընտանքին , սիրում է երեխեների հետ խաղալ։ Նրա հավատարմությունն իր ընտանիքին դարձնում է նրան տան հիանալի հսկիչ։
Սննդակարգ
Խորհուրդ է տրվում 1, 5-2,5 բաժակ բարձրորակ չոր կերակուր օրը 2 անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան ոչ ակտիվը:
