Էլեգանտ, հպարտ, խելացի: Պուդելները տպավորիչ շներ են: Չնայած կապույտ ժապավեններին, ինքնատիպ սանրվածքներին և թագավորական վարքին՝ նրանք համարվում են ընտանիքին նվիրված շուն:
Պուդելի անվան ծագումն ու տեսակները
Պուդել(Poodle) անգլիական բառը ծագել է գերմաներեն <պուդել> կամ <պուդելին> (pudel or pedelin) , որը նշանակում է <ցատկել ջրի մեջ>: Այս ցեղատեսակի շներն ի սկզբանե եղել են որսորդների օգնականները, ովքեր ցատկում էին ջուրը` բռնելու ջրային թռչուններին: Կա այս հրաշքների երեք հիմնական չափս, որոնք մտնում են նույն ցեղատեսակի մեջ: Դրանք են` Թոյ(Toy), Փոքր (Miniature) և ստանդարտ (Standard): Ստանդարտ պուդելները համարվում են ամենատարածված տեսակն այդ երեքից:
Առանձնահատկությունները
Անկախ չափսերից՝ բոլորն էլ համարվում են ակտիվ և խաղասեր շներ, միևնույն ժամանակ արժանապատիվ ու խելացի: Երբ գալիս է վարժեցնելու ժամանակը նրանք դառնում են գերազանցիկ աշակերտներ և շատ հեշտ հնազանդվում են: Պուդելները սիրում են մարդկանց և միշտ ցանկանում են լինել իրենց ընտանիքի կողքին, ինչն էլ հուշում է, որ չեն սիրում մենակ մնալ երկար ժամանակ: Եթե թողնեք Ձեր շանը երկար ժամանակ մենակ, նրանք կսկսեն հաչել կամ էլ կրծել տան իրերը: Չնայած դրան՝ անչափ նվիրված են իրենց տերերին և ընտանիքին:
Այս ցեղատեսակի շները համարվում են շատ զգայուն` սիրում են ներդաշնակություն և հանգստություն իրենց տներում: Հեշտորեն կարող են բարկանալ և հաչել, երբ ընտանիքում ստեղծվի կոնֆլիկտային իրավիճակ:
Եթե Դուք երես տաք և չվարժեցնեք ձեր պուդելին, շատ հավանական է, որ նա իրեն կհամարի ընտանիքի ալֆա շունը: Սովորեցրեք ձեր շանը լավ վարք և ստիպեք, որ նա օգտագործի այն : Դա նրան կհասկացնի , որ Դուք եք խմբի(տան) առաջնորդը:
Խելացի, հաճելի, հավատարիմ և չարաճճի, ահա այն չորս բառը, որ նկարագրում այս հրաշքներին: Իրենց թագավորական տեսքին հակառակ՝ պուդելները սիրում են խաղալ և միշտ պատրաստ են ամեն տեսակի խաղեր փորձելուն: Նրանք շատ են սիրում մարդկանց և ձգտում են գոհացնել իրենց տերերին: Շատ ուշադիր են ամեն ինչի նկատմամբ և հեշտ են համագործակցում մարդկանց հետ:
Պուդելները պաշտպանում են իրենց տունը և ընտանիքին, եթե անծանոթներ մոտենան Ձեր տանը, նա կսկսի հաչալ՝ Ձեզ նախազգուշացնելու համար: Շատերը պնդում են, որ նրանք ունեն մարդուն բնորոշ խելք, որը երբեմն զարմացնում է տերերին: Փոքրիկներն ամեն ինչ հիշում են`ինչպես լավ, այնպես էլ վատ սովորություննեը:
Այս խելացի ցեղատեսակի շները շատ արագ են սովորում, և տերերը պետք է զգույշ լինեն, քանի որ կարող են պատահականորեն սովորեցնել վատ բաներ, որոնք հետո դժվար կլինի ուղղել: Եթե Դուք ծանոթ չեք այս ցեղատեսակի վարժեցմանը, խորհուրդ է տրվում դիմել մասնագետի: Շատ տերեր բաց են թողնում փոքր շների վարժեցումը, ինչը հետագայում մեծ խնդիրներ է առաջացնում: Պուդելները հարմարվում են ցանկացած տանը։ Նրանց միայն անհրաժեշտ են կանոնավոր վարժություններ և իրենց ընտանիքի ներկայությունը:
Պուդելների սննդակարգը
Խորհուրդ է տրվում 1, 5-3 բաժակ բարձրորակ չոր կերակուր, օրը 2 անգամ: Ձեր շանը պահեք լավ վիճակում, չափավորելով նրա ուտելիքը։ Կերակրեք նրան օրը երկու անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան ոչ ակտիվը:
