Լաբրադորները ընկերասեր ուղեկցող շներ են և օգտակար են տարբեր աշխատանքներում: Պատմականորեն նրան կոչել են ձկնորսի օգնական` ցանցեր տեղափոխելու ու պարանները բերելու համար: Այսօր նրանք բարի և ջանասեր շներ են, ինչպես իրենց նախնիները:
Լաբրադորի առանձնահատկությունները
Րետրիվերն ամենաշատ տարածված ցեղատեսակներից մեկն է: Ներկայումս նրանք աշխատում են որպես որսորդների և հաշմանդամների օգնական և մասնակցում են մրցույթների: Այս ջերմ ու խելացի շանը ճանաչում են բոլորը: Շատ արտիստներ և նկարիչներ օգտագործում են հենց այս ցեղատեսակի նկարը որպես հավատարիմ ուղեկցորդ, ով համբերատար սպասում է իր տիրոջ կողքին:
Լաբրադորը մկանոտ և ատլետիկ շուն է, հեշտ է խնամվում, ընկերասեր է և լի էներգիայով: Այս ցեղատեսակի շները համարվում են ամենահավատարիմները: Նրանք սիրում են իրենց տերերին, նույնիսկ անծանոթ մարդկանց, ում շատ մեծ սիրով կարող են ողջունել տուն ներխուժելիս և հեշտությամբ ցույց տալ տան հարստությունները:
Այս ցեղատեսակը ծագել է Նյուֆաունդլենդ կղզում՝ Կանադայի հյուսիսարևելյան ափում: Չորքոտանի «հրեշտակների» հաճելի և խելացի բնույթն իրենց դարձնում է կատարյալ թերապեվտիկ շուն, ով այցելելում է ծեր մարդկանց տներ և հիվանդանոցներ:
Իրենց խելացիության շնորհիվ նրանք հեշտ են վարժեցվում: Դա շատ անհրաժեշտ է այս ցեղատեսակին, քանի որ նրանք ունեն շատ մեծ էներգիա, բացի այդ, հակառակ դեպքում նրանք կմեծանան լկստված և աղմկոտ։
Մշտապես լինել իր ընտանիքի կողքին, ահա այն միակ բանը, ինչն անհրաժեշտ է Ձեր շանը: Նրանք ստեղծված չեն դրսում ապրելու կամ տունը հսկելու համար: Եթե լաբրադորին երկար ժամանակ մենակ թողնեք, նա կձանձրանա և կսկսի կրծել ու փչացնել տան իրերը: Անհրաժեշտ է օրական 30 րոպե քայլել նրա հետ և թույլ տալ խաղալ այլ շների հետ:
Լաբրադորները սիրում են ուտել
Այս ցեղատեսակի շները շա՜տ են սիրում ուտել, դրա համար պետք է սահմանափակել ուտելու մե՜ծ ցանկությունը՝ փոխարենը ակտիվ վարժություններ տալով: Նա ունի մեծ ախորժակ և երբեմն կարող է ուտել ոչ ցանկալի ուտելիքներ` նույնիսկ աղբից կամ ուղղակի ծամել ձեր երեխաների խաղալիքները: Դրանից խուսափելու համար շատ զբաղվեք Ձեր շան ֆիզիկական աշխատանքով, քանի որ նրանք ունեն շատ մեծ էներգիա և նրանց անհրաժեշտ է ամենաքիչը 30-60 րոպե՝ վարժություններ կատարելու համար, առանց որի կարող են իրենց էներգիան վատնել հաչելով և ծամելով:
Սննդակարգ
Խորհուրդ է տրվում 2, 5-3 բաժակ բարձրորակ չոր կերակուր օրը 2 անգամ:
Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը:
