loader
hafo.am hafo.am 093 577 177 info@hafo.am
Cover Photo
intro

Ծանոթացե՛ք

Կոկեր Սպանիել

Հասակը`30-60սմ
Քաշը`10- 12  կգ
Կյանքի տևողությունը` 12-15 տարի

Կոկեր Սպանիելն ամենից առաջ հավատարիմ, ուղեկցող ցեղատեսակ է։ Նա հնազանդ, ուրախ և զվարթ շուն է, ով սիրում է գոհացնել իր տիրոջը։ Սպանիելը երջանիկ է զգում իրեն, երբ նստում է բազմոցին՝ իր սիրելի տիրոջ կողքին, կամ էլ բակում խաղում է երեխաների հետ։

Ծագումը

Ժամանակակից Կոկեր Սպանիելը ծագել է Սպանիելների ընտանիքից․ մի մեծ խումբ, որն ունի անտիկ պատմություն։ Սպանիել բառը նշանակում է «իսպանական շուն», իսկ մի քանի աղբյուրում նշվում է, որ այս ցեղատեսակն առաջացել է Իսպանիայում։  Սկսած 1800 թվականից՝ Սպանիելները բաժանվեցին երկու խմբի՝ թոյ և մեծ որսորդական շներ։ Որսորդական Կոկերները  հրաշալի որսում էին անտառային թռչուններ։

1892 թվականին Կոկեր Սպանիել ցեղատեսակը հաստատվեց Անգլիայում, իսկ արդեն 1936 թվականին Անգլիացի Սպանիել բուծողները ձևավորեցին Անգլիական Կոկեր Սպանիել ցեղատեսակը։ Այս ցեղատեսակի շները առանձնանում են իրենց զվարթ բնավորությամբ։ Նրանց փափուկ մազերը շատ գեղեցիկ են, իսկ նրանք սիրալիր են ու նուրբ։ 

Առանձնահատկությունները

Ի տարբերություն մնացած շների՝ այս հրաշքները փոքր են և հարմար բնակարանի կամ փոքր տան համար։ Նրանք նաև հիանալի թերապիա-շներ են։ Այս ցեղատեսակի շունը ընտանիքի հավատարիմ ընկեր է, ով սիրում է երեխաներին, մյուս կենդանիններին և մեծերին։ 

Այս երկարականջ հրաշքները շատ հաճախ կարող են նյարդային լինել իրենց զգայուն բնավորության պատճառով։ Դրա համար էլ չզարմանաք, եթե ձեր շունիկը նույնիսկ ուրախությունից սկսի միզել: Սպանիելները հաչող շներ են, դրա համար անհրաժեշտ է փոքր տարիքից սովորեցնել «հանգիստ» հրամանը։

Ինչպես նշեցինք, այս ցեղատեսակները ստեղծվել են  որսորդության համար, այդ իսկ պատճառով զարմանալ պետք չէ, եթե զբոսանքի ժամանակ նրանք հետևեն թռչուններին կամ էլ փոքր կենդանիներին։ Միշտ կապած պահեք նրան, երբ գտնվում եք բաց տարածությունում։ Մի բան, որ պետք է բոլոր տերերը հիշեն, դա այն է, որ Կոկերները ունեն «նուրբ» բնավորություն։ Կոպիտ վարժեցման մեթոդները կվախեցնեն նրանց։ Խորհուրդ է տրվում օգտագործել մեղմ ու հետևողական վարժեցում լավագույն արդյունքի հասնելու համար։ Նա չի արձանգանքի կոպիտ ու դաժան վերաբերմունքի դեպքում և հաճախ կարող է գռմռալ և կծել վախի կամ ցավ զգալու դեպքում։

Այս ցեղատեսակի երկար ականջներն իրենց գեղեցկության և առողջության մի մասն են կազմում։ ԻնՖեկցիաներից խուսափելու համար նրանց ականջները պետք է ստուգել ամեն շաբաթ։ Այս հրաշքին գեղեցիկ պահելը պահանջում է շատ աշխատանք և գումար։ Դրա համար պատրաստ եղեք հետևելու նրա մազերի խնամքին։ Լավ վարժեցված Կոկերն ունի շատ լավ բնավորություն։ Նա սիրալիր ու դուրեկան է, սիրում է մասնակցել ընտանեկան  գործերին։

Երկարականջիկները խաղասեր, զգոն և ակտիվ շներ են, ովքեր շատ են սիրում տարբեր տեսակի խաղեր ու վարժություններ՝ զբոսանքներից սկսած մինչ դաշտում որսի գնալը։

Սննդակարգ

Խորհուրդ է տրվում 3-4 բաժակ բարձրորակ չոր կերակուր, օրը 2 անգամ:

Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և  գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ  ակտիվ շունն  ավելի շատ ուտելիք կպահանջի, քան՝ ոչ ակտիվը: 
 

 

Dog content1
Dog content2
Work
Work
Work
Work
Work