Դիսնեյի մուլտֆիլմյան ամենատարածված աստղերից մեկը Դալմատինն է : Այս ցեղատեսակն ունի հարյուրավոր տարիների պատմություն: Սկզբում նա ծառայել է տարբեր ոլորտներում` հսկելով բնակատեղին և տիրոջը, ինչպես նաև որսորդության, կրկեսային ներկայացումների մեջ: Ինչպես ֆիլմում, այնպես էլ իրականում, դալմատինը սիրում է մասնակից դառնալ այն ամենին, ինչ իր ընտանիքն է անում:
Այս շունն իր յուրահատուկ բծերով հավանաբար երկրագնդի վրա շան ամենաճանաչված ցեղատեսակներից է: Շատ մարդկանց գրավում է նրա յուրահատուկ տեսքը, բայց դալմատինն, անշուշտ, ոչ բոլորի համար է: Այս ցեղատեսակը սիրում է լինել իր տիրոջ կողքին օրվա ցանկացած պահին և ցանկացած վայրում`լինելով հրաշալի ուղեկցող շուն: Նրանք շատ ակտիվ են և պահանջում են շատ զբոսանքներ ու վարժություններ: Կարող են լինել իդեալական ուղեցկող այն մարդկանց համար, ովքեր հեծանիվ են վարում կամ զբաղվում են վազքով:
Դալմատինը պետք է ունենա ամենօրյա կանոնավոր վարժություններ, որը կկանխի վարքի խնդիրները: Եթե Դուք որոշել եք պահել այս ցեղատեսակի շուն, հաշվի առեք, որ նրանք ոչ միայն շատ ակտիվ են, այլև շատ խելացի : Նրանց անհրաժեշտ է վարժեցնել հենց փոքր տարիքից, հաստատել վարքի համար կանոններ, այլապես իրենք կսկսեն գործերը կառավարել: Դալմատինները կարող են լինել մի փոքր կամակոր, դրա համար պարապմունքերը պետք է լինեն հստակ և հետևողական:
Միևնույն ժամանակ այս շները շատ զգայուն են և չեն ենթարկվի կոպիտ ու դաժան վարժեցման մեթոդին: Եթե ցանկանում եք դարձնել նրան լավ վարժեցրած շուն, Դուք պետք է դրական մոտեցում ցուցաբերեք նրան`միշտ պարգևատրելով պատշաճ վարքի համար: Հիշեք՝ Դալմատինները չեն մոռանում վատ և կոպիտ վերաբերմունքը:
Այս պուտավոր հրաշքները հեշտ են լեզու գտնում մյուս շների հետ: Նրանք կարող են լինել հրաշալի խաղընկերներ նաև Ձեր երեխաների համար: Սակայն 6 տարեկանից փոքր երեխաները հեշտությամբ կարող են վնասվել այս ակտիվ և ուժեղ շների հետ խաղալիս: Ուշադիր եղեք նրանց խաղի ժամանակ:
Դալմատինի յուրահատկությունները
Դալմատինները կարող են լինել արշավի հիանալի ուղեկցորդներ, ինչպես նաև կարող են մասնակցել Ֆլայբոլ սպորտային միջոցառմանը : Եթե Ձեր շունը լավ վարժեցված է, կարող է նաև մասնակցել շների ցուցահանդեսին:
Նրանք ծնվել են վազելու համար, այդպես են նրանց բնութագրում: Ինչպես վերևում նշեցինք, այս շունը շատ ակտիվ է, սիրում է լինել ուշադրության կենտրոնում, ունի մեծ ցանկություն տիրոջը գոհացնելու և, ամենակարևորը, սիրում է միայն դրական մոտեցում:
Դալմատինը շատ խելացի է, ունի հումորի զգացում և կանի ամեն բան տիրոջը ծիծաղեցնելու համար: Նա նաև զգոն ու հետաքրքրված է իր շուրջը կատարվող յուրաքանչյուր բանով, ինչն էլ նրան դարձնում է պահապան շուն: Ինչպես յուրաքանչյուր շանը, այնպես էլ Դալմատինին անհրաժեշտ է վաղ տարիքից սոցիալականացումը`շփվել շատ մարդկանց հետ, տեսնել տարբեր վայրեր և փորձություններ անցնել:
Հիվանդություններ
Դիսնեյլենդյան հերոսները հիմնականում առողջ շներ են, բայց ինչպես բոլոր ցեղատեսակները, նրանք ունեն որոշակի հիվանդություններ: Այս ցեղատեսակի շների մոտ տարածված է խլությունը: Մոտավորապես Դալմատինների 8 % ծնվում է լիովին խուլ և 22-24 % ծնվում են՝ լսելով միայն մի ականջով: Ահա թե ինչու նրանց ավելի դժվար է վարժեցնել։
Այնուամենայնիվ, շատերը կարծում են, որ խուլ շները կարող են լինել այնպիսին, ինչպես լսող շները, եթե նրանք վարժեցված են ձեռքի ազդանշաններով: Եթե մտածում եք որդեգրել խուլ ձագուկ կամ մեծ շուն, վստահ եղեք, որ կարող եք ցուցաբերել հատուկ խնամք խուլ շանը։
Դալմատինների սննդակարգը
Խորհուրդ է տրվում 1,5-2 բաժակ բարձրորակ չոր կերակուր, օրը 2 անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան ոչ ակտիվ շունը:
