Բուլդոգներն ի սկզբանե օգտագործվում էին մրցելու արյունոտ սպորտաձևում, որը կոչվում էր ցլերի բեյթինգ (խայծ ցլերի համար)։ Այսօր նրանք հավատարիմ ուղեկիցներ են, ովքեր շատ են սիրում երեխաներին։ Կարճ զբոսանք և բազմոցին քնել, սա այն ամենն է, ինչը բուլդոգը սիրում է անել։
Ծագումը
Ժամանակակից "ալարկոտը" բավականին տարբեր է իր նախնիներից։ Առաջանալով հնագույն մաստիֆյան տեսակի շներից՝ բուլդոգի ցեղատեսակն ամբողջովին զարգացել է Անգլիայում, որի մասին առաջին հիշատակումն արվել է 1500 թվականին:
Նրանց նախնիներն ավելի բարձրահասակ էին և ֆիզիկապես ավելի ուժեղ, քանի որ օգտագործվում էին ցլերի արյունոտ սպորրտաձևում։ Բարեբախտաբար, 1835 թվականին այդ սպորտաձևի իրականացումն արգելվեց Անգլիայում և շատերը կարծում էին, որ այս ցեղատեսակը նույնպես կվերանա։ Այդ ժամանակ բուլդոգը դեռ հավատարիմ և ընտելացված ուղեկից չէր, քանի որ բուծվել էր՝ դառնալու ագրեսիվ և համարձակ շուն, որն ապրում էր կռվելու ցլերի, արջերի և այն ամենի հետ, ինչը նրա առջևում էր։
Բացի դրանից, շատ մարդիկ հիանում էին բուլդոգի տեսքով, ուժեղությամբ և համառությամբ։ Հենց նրանք էլ որոշեցին պահել նրանց արտաքին տեսքը, բայց դարձնել ավելի բարի և նուրբ՝ հակառակ այն ագրեսիային, որը ցուցաբերում էին ցլերի հետ մենամարտում։
Եվ այդպես նրանք վերաձևավորվեցին։ Նվիրված և համբերատար բուծողները սկսեցին ընտրել այն շներին, որոնք ունեին հանգիստ բնավորություն։ Ագրեսիվ և նյարդային բուլդոգներին թույլ չէին տալիս բուծել։ Կենտրոնանալով բնավորության փոփոխության վրա՝ այդ բուծողները վերափոխեցին երբեմնի ագրեսիվ "կռվարարներին" և դարձրեցին նուրբ, հանգիստ և մարդու հավատարիմ բարեկամը։
Առանձնահատկությունները
Փաստացի՝ անգլիական բուլդոգը հայտնի նաև բրիտանական անվանմամբ և միայն իր տեսքով է նման նախնիներին։ Նա վճռական ու համարձակ է, սակայն երբեք կռվի չի բռնվում։ Ավելի հասուն տարիքում ունի հանդարտ վարք, խաղասեր ու ընկերասեր է։ Շատ հաճախ կարող է լինել կամակոր։
Այս լուրջ դեմքով շները սիրում են մարդկանց և վերջիններից պահանջում են ուշադրություն, որը նրանց անհրաժեշտ է նույնիսկ քնած ժամանակ։
Այս ցեղատեսակի շները տանը լինում են ոչ ակտիվ՝ նախընտրելով քնել մինչև հաջորդ ուտելը։ Նրանք սիրում են երեխաներին, բայց երբեք ժամերով նրանց հետ գնդակ չեն խաղա և չեն վազի տան բակում։ Այս ալարկոտը կարող է մի փոքր խաղալ նրանց հետ, բայց հետո տեղավորվել Ձեր կողքին և ուշադիր հետևել անցուդարձին և, ինչու չէ, երջանիկ դեմքով Ձեզ նայել։
Շփվող և ընկերասեր, բայց համարձակ համբավ ունեցող այս շները հիանալի հսկիչ շներ են։ Նրանք չեն սիրում շատ հաչել , միայն նրանց արտաքինն արդեն իսկ վախենալու է տուն ներխուժողների համար։ Բուլդոգներն ընկերասեր են և հեշտ հարմարվող և սիրում են բոլորին։ Կարող է դանդաղ սովորել, բայց սովորածը ընդմիշտ կհիշեն։
Սննդակարգ
Խորհուրդ է տրվում 1-2 բաժակ բարձրորակ չոր կերակուր, օրը 2 անգամ:
Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շներն անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը:
