Ծագումը
Բուլտերյեր ցեղատեսակը ծագել է 19-րդ դարում` սկզբում օգտագործվելով կռվացնելու նպատակներով, ավելի ուշ՝ ջենթլմենների ուղեկցորդ։ Սակայն հիմա նա համարվում է ընտանեկան շուն, նաև ցուցադրություններրին մասնակցող ցեղատեսակ։
Բուլտերյերի պատմությունը սկսվել է 1980-ականներին։ Նա ակտիվ, ընկերասեր և հավատարիմ շուն է։ Նրա հետ կյանքը միշտ փորձություն է դառնում։ Նա «զբաղված» շուն է` սկսած վաղ տարիքից։ Բուլտերյերը հայտնի է իր հատուկ տեսքով, ունի մկանոտ կառուցվածք և ուրախ բնավորություն։ Գլուխն ունի ձվի տեսք, աչքերը նեղ են և միմյանց մոտ։ Նրանց մազերը կարճ են, հարթ և փափուկ։
Բուլտերյերի առանձնահատկությունները
Այս ցեղատեսակի շները, ինչպես և մյուսները, չեն սիրում երկար ժամանակ մենակ մնալ։ Նրանք ցանկանում են լինել իրենց տերերի կողքին և անել այն ամենը, ինչ տերերը կանեն։ Բուլտերյերի համար լավագույն ընտանիքը պետք է լինի ակտիվ, ապահովի էներգիայով լի խաղեր և վարժություններ։ Նրան անհրաժեշտ է մեկը, ով տանը կանոններ կսահմանի։ Հակառակ դեպքում ինքը կսահմանի իր կանոնները։ Այդ պատճառով բուլտերյերը լավ տարբերակ չէ նրանց համար, ովքեր շուն պահելու փորձ դեռ չունեն։
Ինչպես մյուս տերյերները, այնպես էլ բուլտերյերը կարող են ագրեսիվ լինել մնացած շների և կենդանինների նկատմամբ։ Լավ վարժեցված շուն լինելու համար նրան անհրաժեշտ է վաղ տարիքից սոցիալականացում։ Կատուների և այլ կենդանիների համար վտանգավոր է մտնել Բուլտերյերի տարածք։ Նրանք կարող են երբեմն ագրեսիվ լինել, ինչի պատճառով խորհուրդ չի տրվում մենակ թողնել փոքր երեխաների հետ։ Իսկ ավելի մեծ երեխաների հետ նրանք չհոգնող խաղընկերներ են։
Այս ցեղատեսակի շներին նույնպես անհրաժեշտ է օրական 30-60 րոպե վարժություններ, հակառակ դեպքում կսկսեն «ավերել», եթե ձանձրանան։ Նրանց տանը մենակ թողնելն այնքան վտանգավոր է, որքան թողնելը ձեր կրեատիվ և խելացի երեխային պայթուցիկներով լի սենյակում։ Ձեր կյանքն այս չարաճճիների հետ երբեք ձանձրալի չի լինի։
Բուլտերյերը ունի ուժեղ կամք և շատ դժվար է նրան վարժեցնել։ Նրանք սիրում են զբոսանքներ, տարբեր խաղեր ինտերակտիվ խաղալիքներով։
Այս ցեղատեսակի շները չեն հարմարվում ցուրտ և խոնավ եղանակին, դրա համար նրանց անհրաժեշտ է տաք «վերարկու» ձմռան համար։
Սննդակարգ
Խորհուրդ է տրվում 1, 5-2,5 բաժակ բարձրորակ չոր կերակուր, օրը 2 անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը:
