Բոքսերներ

Բոքսերները հիմարիկ, քաղցրիկ և չարաճճի շներ են: Նրանք միմոսություն են անում իրենց ընտանիքի և ընկերների մոտ, համբերատար և խաղասեր են երեխաների հետ, բայց անծանոթներին զգույշ են հայացք գցում` չտեսնված խիզախությամբ պատասխանելով այն ամենին, ինչը կարող է սպառնացող թվալ իրենց սիրելիների համար: Հենց դրա համար էլ մարդիկ սիրում նրանց: 

Ծագումը

Բոքսերը Գերմանիայում 19-րդ դարի ուշ շրջանում հանդես է եկել որպես աշխատավոր շուն: Նա պատկանում է ցլաշների ցեղատեսակին, որի մեջ ներառվում է` բուլդոգը, բուլդոգ տերիերը, դոգ դե բորդեքսը: Ժամանակակից բնութագրումների համաձայն` բուլդոգներն ընդամենը մեկ դար են գոյատևել, բայց դուք կարող եք տեսնել նրանց ակնարկներն այն շների մեջ, որոնք պատկերված են եղել 16-17 դարերի գոբելենների վրա: Այդ գամփռ տեսակի շները հնարավոր է Բոքսերների նախահայրերը եղած լինեն: Նրանք հայտնի են որպես բուլենբեյսերներ, որը գերմանական բառ է և նշանակում է ցուլ տապալող: Շատ նահանգներում բուլենբեյսերները օգտագործվել են որսն իջեցնելու համար, իսկ ավելի ուշ պահվել են մսավաճառների և նախրապանների կողմից` նախիրին առաջնորդելու համար: 

Ժամանակակից Բոքսերը ծնվել է 1880-ականներին, երբ Ջորջ Ալտ անունով մի մարդ, ով ապրում էր Մյունիխում, Ֆրանսիայից Ֆլորա անունով շականակագույն բուլնբեյսեր ներկրեց: Նրա սերունդը դարձավ Բոքսեր ցեղատեսակի սկզբնավորման հիմքը: Պարզ չէ, ցեղատեսակի անվանումը ծագել է «beisse» (կծող) բառի աղավաղումից, թե կապված է նրանց` կռվի ժամանակ դիմացի ժանիքներն օգտագործելու սովորության հետ: 
Այս շները վարժեցվել են ոստիկանական աշխատանքի համար` լինելով ամենաառաջին պահապան շներից և Առաջին Համաշխարհային պատերազմի ժամանակ Գերմանական բանակում ծառայել են որպես սուրհանդակ և հետախույզ: Ամերիկյան շնաբուծական ակումբը Բոքսեր ցեղատեսակին առաջին անգամ գրանցել է  1904 թ.-ին: 

Ցեղատեսակը միանգամից համբավ չվայելեց, իսկ Առաջին Համաշխարհային պատերազմի ժամանակ գերմանական ցեղատեսակների հանդեպ առաջացած հակակրանքը ավելի խանգարեց: Մինչև 1940-1950-ական թթ. Բոքսերներն այնքան էլ ճանաչված ցեղատեսակ չէին: 1951թ. Բենգ Ըվեյ անունով շունը հաղթեց Վեսթմիսթերի լավագույն ցուցադրության ժամանակ, երրորդ անգամը նույնպես նա հաղթեց և ժամանակի ընթացքում դարձավ հայտնի աստղ: Շների ցուցադրությունների մեկնելիս նրան երբեք բեռնափոխադրումով չեն տեղափոխել, այլ միշտ ինքնաթիռով` սենյակի մեջ: Բենգ Ըվեյից առաջ 1971թ.-ի Վեսթմիսթերի մրցույթում ընդամենը մեկ Բոքսեր է հաղթել` պարոն Առռիբայի Պրիմա Դոննան: Այսօր այս շներն ավելի նուրբ և պերճաշուք են, բայց միաժամանակ ուժեղ, խելացի և անվախ: «AKC»-ի կողմից գրանցված ցեղատեսակների շարքում նա 8-րդ տեղն է գրավում:

Բոքսերների բնավորության առանձնահատկությունները

Բոքսերները ծիծաղաշարժ, ուրախ շներ են: Նրանք սիրով խաղում են իրենց ընտանիքի և ընկերների հետ և շատ զգույշ են երեխաների հարցում: Նրանք նաև շատ հավատարիմ են և պատասխան հարված կտան այն ամենին, ինչը կսպառնա իրենց սիրելիներին: Այս, գուցե մի փոքր վախ ներշնչող մռութով հրաշքները անհավանականորեն խելացի են, բայց մարզումներին միշտ չէ, որ լուրջ են վերաբերվում: Լավ արդյունք ունենալու համար խիստ, անկեղծ և հաստատուն եղեք նրա հետ: Համապատասխան պարգևատրումները և հետևանքները կսովորեցնեն նրան, որ լավ վերաբերմունքը լինում է այն ժամանակ, երբ նա անում է այն, ինչ ուզում եք և որ երբեք չի պարգևատրվի, եթե չհնազանդվի: 

Բոքսերները հաճախ չեն ենթարկվում կանոններին և սիրտ շահելու համար մեծ ճիգ են գործադրում: Վարժեցումը վաղ տարիքից սկսեք: ՈՒթ շաբաթական ձագուկին վարժեցնելն ավելի հեշտ և զվարճալի կլինի, քան ավելի մեծին, քանի որ փոքրիկն ավելի համառ է: Հյուրասիրություններ, խաղալիքներ և գովասանքի խոսքեր օգտագործեք նրան հրապուրելու և շահագրգռելու համար: Նրանց եռանդը գործադրելու լավ միջոցներ են փայտիկով կամ գնդակով խաղերը, մեկժամյա զբոսանքը, ճարպկության կամ շան համար նախատեսված այլ մարզումները: ԵՎ վերջապես, Բոքսերները ճանաչված են իրենց նախրապանության կարողությամբ, որը ցեղատեսակի յուրահատկություններից մեկն է: Նրանց նախահայրերը` ինչպես ամենակարող մնացած ֆերմերային շները, աշխատում էին բռնել և ուղեկցել նախիրին: Կանոնակարգի, կարգապահության, շատ վարժանքների և հոգեբանական խրախուսանքի շնորհիվ նա կարող է դառնալ ձեր երազնքների շունը: Հակառակ դեպքում կարող է վերածվել մղձավանջի: 

Ինչ վերաբերում է հասցված վնասներին, ձանձրացած Բոքսերը կարող է անել այն ամենը, ինչ կտեղավորվի ձեր երևակայության մեջ: Ձեզ հիմարեցնելու հնարավորություն մի տվեք նրան: Նրա կնճռոտ դեմքը կարող է ձանձրացած թվալ, բայց նա սիրված լինելուց երբեք չի հոգնում: Նա Ամերիկայի ամենահայտնի շներից է: Դա զարմանալի չէ, քանի որ զվարթ, հավատարիմ ընկեր է, ով իսկապես կապված է իր ընտանիքի հետ։

Այս հրաշքը հիանալի ընտրություն է այն մարդկանց համար, ովքեր հետևողականությամբ, խստությամբ և ազնվությամբ կվարժեցնեն նրան և հումորով կվերբերվեն նրա համառությանը: Այս ցեղատեսակը նաև բազմաթիվ վարժությունների կարիք ունի` աշխուժությունը զսպելու համար: Նա մեծ շուն է և շատ չարաճճիություններ է անում ձանձրանալու կամ միայնակ մնալու դեպքում: Նա ցանկանում և կարող է մասնակցել շան համար նախատեսված զբաղմունքներին` ներառյալ ճարպկության, հնազանդւթյան դասընթացները և գնդակով խաղերը: Չնայած նրան, որ երեխաների և շների խաղը վերահսկողություն է պահանջում, Բոքսերներն ընդհանրապես լավ են լեզու գտնում երեխաների հետ և հիանալի ընտանի շներ են համարվում: Նրանց դեմքի արտահայտությունն անվրեպ է. կնճռոտ և անհանգիստ տեսքով դեմքի արտահայտությունը հակասում է քառակուսի ծնոտին, ազնվազարմ գլխին և ինքնավստահ քայլվածքին: 

Արտաքին առանձնահատկությունները

Նա մեծ շուն է, ով կշռում է 70 ֆունտ (հաճախ ավելի): Իգական սեռի Բոքսերներն ավելի փոքր են: Նրա մորթու կարճ մազերը թափվում են, բայց ընդհանրապես  դյուրին խնամք են պահանջում: Բոքսերների մորթին լինում է դարչնագույն, շականակագույն հաճախ նաև սպիտակ: Բավական վիճելի է սպիտակների հարցը` մեծամասամբ սերունդների պատճառով: Անասնաբույծները սպիտակ քոթոթներին սպանում էին` նրանց համար տուն գտնելու փոխարեն: Այսօր նման բանն անթույլատրելի է և գնալով ավելի շատ սպիտակ Բոքսերներ են հասանելի դառնում գնման կամ որդեգրման համար: Նրանք ալբինոսներ չեն և սպիտակ գունավորումը գենետիկ մուտացիայի արդյունք չէ` ինչպես լինում է ուրիշ ցեղատեսակների մոտ: Այս դեպքում դա ընդամենը գույն է: Չնայած սպիտակ հրաշքները խուլ լինելու մեծ վտանգի տակ են` ինչպես բազմաթիվ սպիտակ գունավորում ունեցող կենդանիներ, բայց շատ քիչ թվով Բոքսերներ են, որ խուլ են: 

Սպիտակ շներին սպառնում է արևայրուքը, ինչի պատճառով կարող է մաշկի քաղցկեղ առաջանալ (Խորհուրդ է տրվում արևից պաշտպանություն): Սպիտակ Բոքսերներն այնպիսի հազվագյուտ ցեղատեսակի տարատեսակ չեն, որ թանկ արժենան: Այս վեհ շների ձագուկների քառորդ մասը սպիտակ են ծնվում: ՈՒշադիր եղեք գին պայմանավորվելիս այն անասնաբույծի հետ, ով սպիտակ քոթոթին ներկայացնուն է որպես յուրօրինակ տարատեսակ և բարձր գին է պահանջում նրա դիմաց:

Սննդակարգ

Խորհուրդ է տրվում 2-3 բաժակ բարձրորակ չոր կերակուր օրը 2 անգամ:

Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը։