Կան շներ, որոնք միանգանից հասկանում են խաղը և մեխանիկորեն հետևում, որսում են այն առարկան, որը նետել եք, իսկ շատ շներ չեն հասկանում։ Կամ նրանք նստում են իրենց տեղում և նայում Ձեզ՝ զարմանալով, թե ինչու եք հեռու նետում այդ գեղեցիկ խաղալիքը, կամ էլ վազում են առարկայի հետևից, բայց չեն վերադարձնում այն։
Այսպիսով՝ ի՞նչ կարող եք անել կամ ինչպե՞ս կարող եք սովորեցնել Ձեր շանը հասկանալ խաղը։ Ստորև ներկայացնենք 6 փորձված և ճշմարիտ հնարք։
Եթե ձեր շունը խաղի ժամանակ նստում և նայում է Ձեզ, ապա առաջին նպատակը պետք է լինի սովորեցնել նրան հետևել այն առարկային, որը նետել եք։ Ինչ տեսակի մոտիվացիա էլ օգտագործեք, գործընթացը միանգամայն նույն է լինելու։ Ոգևորեք ձեր շանը հետևել այն առարկային, որին ցանկանում եք։ Երբ նա բռնի այն, պարգևատրեք նրան իր ընտրած ուտելիքով, հետո նրանից վերցրեք այդ առարկան։ Կրկնեք սա մի քանի անգամ, հետո շպրտեք առարկան փոքր տարածության վրա։ Երբ նա վազի դրա հետևից, անմիջապես պարգևատրեք նրան։ Կրկնեք այս գործընթացն այնքան, որ ձեր չորքոտանին կատարի այն առանց հրաժարվելու։
Ցանկանում եք սովորեցնել ձեր շանը ավելի՞ կատարելագործվել այս խաղում։ Փորձեք խաղալիքը նետելուց նրա մեջքից պահել։ Բնականաբար, նա կփորձի վազել դրա հետևից՝ փորձելով «ազատվել» Ձեզնից։ Իսկ երբ նրան բաց թողնեք, նա հրթիռի նման կհետևի առարկային։
Եթե ձեր շունն արդեն հետևում է առարկային, ապա հաջորդ քայլը պետք է լինի սովորեցնել նրան վերադարձնել այն Ձեզ։ Կան շատ տարբեր եղանակներ դրա համար, ինչը կախված է շան վարքից։ Եթե նա ընդհանրապես չի վերդարձնում նետված խաղալիքը, ապա կարող եք օգտագործել երկրորդ խաղալիքը։ Երբ նա բռնի առաջինը, ցույց տվեք նրան երկրորդը և շպրտեք հակառակ ուղղությամբ։ Հավանաբար, նա առաջին խաղալիքը չի վերցնի իր հետ, սակայն դա «կստիպի» նրան հետ վազել Ձեզ մոտ բռնած խաղալիքով։
Այս քայլը սովորելուց հետո փորձեք ետ կանչել նրան մինչ նա բռնել է խաղալիքը և ասեք, որ բերանից գցի այն։ Եթե դուք ցույց տաք շանը երկրորդ առարկան, նա կգցի առաջին խաղալիքը՝ հետևելու երկրորդին։ Ի վերջո, նա կսովորի, որ եթե վերադառնա Ձեզ մոտ և գցի խաղալիքը, դուք այն նորից կնետեք։
Այն շները, որոնք սիրում են բռնել առարկան և դրանով հեռու փախչել, պարանը կամ կապը կօգնի ձեզ։ Երբ նա բռնի առարկան, թեքվեք մի փոքր, ձգեք պարանը կամ էլ այն բռնած հեռու վազեք նրանից։ Սա կխրախուսի նրան հետևել Ձեզ։ Եթե անգամ նա չհետևի ձեզ, պարանը քաշեք դեպի ձեզ։ Երբ նա մոտենա, պարգևատրեք ուտելիքով, հետո նետեք խաղալիքը նորից և կրկնեք այս քայլերը։ Կատարեք այս վարժությունը մի քանի շաբաթ և Ձեր շունը մեխանիկորեն կգա Ձեզ մոտ։
Եթե ձեր շունը կանգնում է և գցում խաղալիքը մինչև ձեզ հասնելը, հետ քայլեք՝ ասելով «Բեր խաղալիքը»։ Երբ նա հասնի այն կետին, որտեղ Դուք կանգնած էիք, մոտեցեք նրան, առաջարկեք ուտելիքը, հետո նորից շպրտեք առարկան։ Եթե հրաժարվի բերել, ասեք նրան "գցել" առարկան և մոտեցրեք նրա քթին ուտելիքը։ Շներից շատերն առարկան գցում են և վազում ուտելիքի ետևից։
Հիշեք ամենակարևոր կանոնը։ Շունը չի հետևել մի բանին, ինչը չի հավանում, այնպես որ փորձեք տարբեր առարկաներ(գնդակ, փայտ, թռչող ափսե), մինչև որ պարզեք՝ դրանցից որն է նրան դուր գալիս։
Մի՛ շտապեք
Հիշե՛ք՝ այս գործընթացը պահանջում է ժամանակ։ Դուք շատ բան եք պահանջում ձեր շնից և նա իրոք փոձում է հասկանալ ու կատարել հրամանները։ Վարժեցման ընթացքում ցուցաբերեք միայն դրական վերաբերմունք և համբերություն։ Բոլոր շներն էլ ունակ են սովորելու, անհրաժեշտ է միայն գտնել Ձեր շանը վարժեցնելու լավագույն մեթոդները։
Նյութը թարգմանվել է Hafo.am-ի կողմից
