loader
hafo.am hafo.am 093 577 177 info@hafo.am
home-sky Օգնիր Քաշել
Այստեղից կատարված գնումների եկամտի
10 %
հատկացվում է կացարաններին՝ շների և կատուների կարիքները հոգալու համար։

Եթե ունեք բժշկական խորհրդատվության կարիք, ապա մեր փորձառու մասնագետները կարող են պատասխանել Ձեր հարցերին։

Ձեր հարցը բժշկին

Ձեր հարցին կպատասխանի անասնաբույժ-խորհրդատու Արթուր Գևորգյանը

Հարցեր և պատասխաններ

doctor
Lusine 2017-11-13 14:55:11

Կարելի՞ է միրգ և բանջարեղեն տալ շանը

user

Շների կերակրման ռացիոնը որոշ առումներով կախված է ցեղատեսակից և նրանց առանձնահատկություններից։ Կան ալերգիկ ցեղատեսակներ, ինչպես օրինակ շարպեյ, բոքսյոր և այլն: Այդուհանդերձ, ընդհանուր առմամբ պետք է հաշվի առնել, որ մեր ընտանի կենդանիներին շատ հաճախ մենք անգիտակցորեն նույնացնում ենք երեխայի հետ, ուստի նրանց պետք է կերակրել ինչպես փոքրիկ երեխաներին։ Ցիտրուսային մրգերը, գազեր առաջացնող, փորը թուլացնող մրգերն ու բանջարեղենը նույնպես պետք է բացառել ռացիոնից: Դրանցից զատ, խորհուրդ է տրվում շների կերակրման ռացիոնում ներառել խնձոր, բանան, պատրաստվող շիլաներում կարող եք ավելացնել գազար, քաղցր պղպեղ, ճակնդեղ, կաղամբ, սոխ (ընդ որում, վերջին երեքը ոչ մեծ քանակությամբ), կանաչեղեն:

doctor
Lusine 2017-11-13 14:53:44

Ինչպե՞ս կազմակերպել ճիճվաթափումը

user

Ճիճվաթափումը կատարվում է կենդանու տեսակին, տարիքին և քաշին համապատասխան դեղորայքի ընտրությամբ և դոզավորմամբ: Նպատակահարմար և ավելի արդյունավետ է դեղահաբը տալ առավոտյան, սոված փորին: Դեղահաբը խմեցնելիս հետո պետք է հետևել կենդանու կղանքին 1 ժամվա ընթացքում և որևէ կասկածելի բան նկատելիս՝ տեղյակ պահել բուժող բժշկին՝ անհրաժեշտ գործողություններ ձեռնարկելու ծրագրավորման նպատակով: Առհասարակ, պետք է կենդանուն ճիճվաթափել 3-4 ամիսը մեկ անգամ, իսկ ճիճուների ձվերի վրա լետալ (մահացու) ազդեցության դեղահաբի անզորության պատճառով խորհուրդ է տրվում յուրաքանչյուր ճիճվաթափում, որից հետո եղել են ճիճուների մասին հուշող ախտանիշեր, կրկնել 12-րդ օրը, որպեսզի ձվից դուրս եկած ճիճուները չհասցնեն դեռ ձվադրել, բայց և կենդանու օրգանիզմը հասցնի մաքրվել առաջին ճիճվաթափող դեղահաբի ընդունումից:

doctor
Lusine 2017-11-13 14:50:45

Որքա՞ն հաճախ է պետք պատվաստել կենդանուն

user

Խորհուրդ է տրվում կենդանուն պատվաստել հետևյալ սխեմայով. կյանքի առաջին տարվա ընթացքում առաջին պատվաստումը պետք է անել 2 ամսական հասակում: Պատվաստումից հետո պետք է կենդանուն պահել կարանտինում, որը տևում է 14 օր: Երկրորդ պատվաստումը կատարվում է առաջին պատվաստումից հետո 21-րդ կամ, ծայրահեղ դեպքում, 22-րդ օրը: Երրորդ պատվաստումը կատարվում է 1 տարեկան հասակում, որից հետո արդեն կենդանուն պետք է պատվաստել տարին մեկ անգամ: Խորհորդ է տրվում պատվաստումները չուշացնել և բաց չթողնել, ինչպես նաև յուրաքանչյուրից առաջ կատարել կենդանու ճիճվաթափում, իսկ հետո պահել կարանտին 14 օր տևողությամբ: