loader
hafo.am hafo.am 093 577 177 info@hafo.am
home-sky Օգնիր Քաշել
Այստեղից կատարված գնումների եկամտի
10 %
հատկացվում է կացարաններին՝ շների և կատուների կարիքները հոգալու համար։

Եթե ունեք բժշկական խորհրդատվության կարիք, ապա մեր փորձառու մասնագետները կարող են պատասխանել Ձեր հարցերին։

Ձեր հարցը բժշկին

Ձեր հարցին կպատասխանի անասնաբույժ-խորհրդատու Արթուր Գևորգյանը

Հարցեր և պատասխաններ

doctor
LV Hovhannisyan 2017-12-27 19:25:56

Բարև Ձեզ,ինձ անհրաժեշտ է Ձեր խորհրդատվությունը

user
Հարգելի LV ներկայացրեք ձեր խնդիրը, որպեսզի ես հասկանամ ինչպես օգնել Ձեզ:
doctor
Lîn Lîn 2017-12-17 16:11:20

Բարև Ձեզ։ Կարելի՞ է արդյոք լողացնել 1 ամսեկան շունիկին։ Եթե այո ,ապա ինչ պարբերականությամբ և ինչ նյութերով։

user
Բարև Ձեզ, հարգելի Լին, չի կարելի լողացնել մեկ ամսական ձագուկին, եթե հույժ անհրաժեշտություն կա մաքրելու շանը, ապա կարող եք խառնել ջուր, քացաղ, օղի համապատասխանաբար 1լ, 1ճ գդ, 1ճ գդ հարաբերությամբ և ստացված լուծույթով սպունգի օգնությամբ մաքրեք: Առհասարակ շունիկներին կարելի է լողացնել պատվաստումներն ավարտելուց հետո (մոտ 4 ամսական հասակում): Լողացնելիս պետք է կիրառել ամենամատչելի մանկական շամպուն, ինչու՞ ամենամատչելի, որովհետև այդ շամպուններում չկան հատուկ արոմատիզատորներ, ներկեր և այլ հավելումներ: Հաճախականությունը մի փոքր վիճելի հարց է, քանի որ իրականում հաճախ լոգանքը վնասում է շան մաշկը, առաջացնում թեփ, մազաթափություն և այլն: Ըստ այդմ խորհուրդ է տրվում շանը լողացնել ամիսը մեկ անգամ(ամենահաճախը) և ոչ ավելի: Շատ ավելի ճիշտ կլինի ժամանակ առ ժամանակ մաքրել վերը նշված լուծույթով, շաբաթական գոնե 3 անգամ սանրել (դասական, գովելի և ճիշտ տարբերակում' ամեն օր) հատուկ սանրերով և լողացնել ոչ ավելի հաճախ, քան երկու-երեք ամիսը մեկ անգամ: Լողացնելուց հետո պետք է լավ չորացնել շանը, ցանկալի է այդ օրը քիչ պահել դրսում և ստեղծել համապատասխան տաք պայմաններ:
doctor
Artashes Baghramyan 2017-12-15 18:01:41

Բարև Ձեզ: Շանս ծնոտի ներքևում համարյա կոկորդի վրա մսագունդ է աճել: Մեկ անգամ տարել եմ կլինիկա այդ ժամանակ փոքր էր չափը: Մեկ շաբաթվա մեջ բավականին մեծացել է: Ինչ կարելի է անել պապիլոմայի աճը գոնե կանգնեցնելու համար?

user
Հարգելի՛ Արտաշես, սովորաբար պապիլոման ինքնուրույն աճում է, կախված կենդանու օրգանիզմի վիճակից' արագ կամ դանդաղ, ուստի լավ կլինի դիմեք Ձեր շան բուժող բժշկին, ով կձեռնարկի անհրաժեշտ միջոցառումները պապիլոման խարելու և հեռացնելու համար:
doctor
Arp Mel 2017-12-12 08:00:23

Շունս 8 տարեկան է։ Վերջին Շրջանում սկսել է ահավոր վախենալ պայթուցիկների ձայնից և այս 2 օրը հրաժարվում է դուրս գալ անգամ կարիքները հոգալու համար։ Խնդրում եմ մի խորհուրդ տվեք։

user
Հարգելի՛ Արփ Մել, Շնորհակալություն հարցի համար: Առաջին հերթին անհրաժեշտ է շանը հեռու պահել սթրեսորից Տվյալ պարագայում՝ պայթուցիկներից։ Այնուհետև անհրաժեշտ է աշխատանք տանել ինքնավստահությունը վերականգնելու համար։ Օրինակ՝ դուրս գնալիս շունը անընդհատ պետք է զգա տիրոջ ներկայությունը։ Տերը պետք է մոտ լինի և զբոսանքի ընթացքում ժամանակ առ ժամանակ իջնի շան մակարդակին (կքանստի) , հպվի շանը, գրկի, շոյի, խրախուսական խոսքեր ասի, այնուհետև նոր շարունակվի զբոսանքի պրոցեսը։
doctor
Ando 2017-12-01 19:00:35

Շունը խեղճացել ա հենց մյուս շունս մոտ ա գնում սկսումա նվնվալ ու շատ քիչա քայլում միշտ պառկածա ու մեկ մեկ պառկած տեղը նվնվումա 4 ամսեկանա պատվաստումները ժամանակին ստացելա քիթը թացա նորմալ ուտումա․․կարողա՞ մրսելա

user
Հարգելի՛ Անդո Խնդիրը ավելի լավ պատկերացնելու համար խնդրում եմ ավելի մանրամասն ներկայացնել։ Ինչի՞ց հետո շան վարքում փոփոխություններ նկատեցիք։ Ի՞նչ վիճակում է գտնվում շան մեզն ու կղանքը և ի՞նչ հաճախականությամբ հոգում իր կարիքները։