Յորկշիրյան Տերյեր`ամենահմայիչ ներկայացուցիչը շների աշխարհում, ով իր երկար մետաքսյա մազերով և գեղեցիկ տեսքով գրավում է բոլորի ուշադրությունը։ Իր փոքր չափսերի համար նա երբեմն «ճամփորդում» է հատուկ շան պայուսակներում։
Ծագումը
Անգլիայում արդյունաբերական հեղափոխության ժամանակ շոտլանդացի բանվորները տեխափոխվեցին Յորկշայր՝ աշխատելու ածուխի հանքերում, տեքստիլ գործարաններում՝ իրենց հետ բերելով մի շուն՝ առավել հայտնի Քլայդսդեյլ կամ Փեյսլի Տերիեր անուններով։ Այս շներն ավելի մեծ էին չափսերով, քան Յորկշիրյան Տերյերը և նրանք օգտագործվում էին առնետներին բռնելու համար։ 1861 թվականին, Յորշերսկի Տերյերն առաջին անգամ ներկայացվեց շների ցուցահանդեսին, իսկ արդեն 1865 թվականին այս ցեղատեսակը դարձավ ամենահայտնի շներից մեկը։ Բրիտանական առաջին Յորշերսկի Տերյերի ակումբը բացվեց 1898 թվականին։
Առանձնահատկությունները
Յորկշիրյան Տերյերը կամ Յորկին հայտնի է իր մետաքսյա մազերով և շշմեցնող տեսքով։ Սակայն հիշեք՝ նրանք «մեծ» շներ են փոքրրերի մարմնում և միշտ պատրաստ են նոր փորձությունների։
Այս ցեղատեսակի շները հավատարիմ ուղեկցորդ են իրենց տերերի համար, սակայն կասկածամիտ՝ անծանոթների նկատմամբ։ Նրանք կարող են հաչել տարօրինակ ձայն լսելիս կամ էլ տուն մտնող անծանոթ մարդկանց վրա։ Հաշվի առնելով հարևաններին՝ շատ կարևոր է սովորեցնել նրան չհաչել։ Նրանք ագրեսիվ են նաև անծանոթ շների նկատմամբ։
Չնայած իր համարձակ բնավորությանը՝ Յորկին ունի նաև «քնքուշ» բնավորություն։ Նրան անհրաժեշտ է շատ ուշադրություն և շա՜տ ժամանակ իր ընտանիքի հետ: Միայնակ երկար ժամեր անցկացնելը նրա համար չէ։
Այն ընտանիքներն, ովքեր ունեն փոքր երեխաներ, խորհուրդ չի տրվում պահել Յորկի, քանի որ փոքրիկները կարող են հեշտությամբ վնասել նրան։
Ինչպես յուրաքանչյուր շանը, այդպես էլ այս համովիկին, անհրաժեշտ են ամենօրյա վարժություններ և զբոսանք։ Նրանք հեշտ են հարմարվում տան այլ կենդանիների հետ, եթե մեծացել են վերջիններիս հետ։ Հակառակ դեպքում՝ ընտանիքի նոր շան համար Տերյերը կդառնա իր տիրոջ «սեփականատերը»։ Չնայած իր փոքր չափսերին՝ Յորկին կարող է մինչև վերջ կռվել տուն ներխուժողի հետ և զգուշացնել իր տիրոջը վտանգի մասին։ Նրանք նաև կարող են հաչել ամեն ձայն լսելիս, դրա համար շատ կարևոր է վարժեցնել նրանց փոքր տարիքից։
Խելացի և ինքնավստահ տերյերները, ինչպես և մարդիկ, կարող են ունենալ տարբեր բնավորություններ։ Շատերը կարող են լինել «մելանխոլիկ»՝ ցանկանալով լինել միայն իրենց տերերի կողքին և ամենուրեք հետևել նրանց, մյուսները կարող են լինել չարաճճի, շփվող և հետաքրքրասեր։ Այս գեղեցիկ տեսքով, փոքր չափսերվ, համարձակ բնավորությամբ շները չափազանց հավատարիմ եմ իրենց տերերին։ Սակայն նրանց վարժեցնելը կարող է դժվար լինել։ Բայց անպայման արեք դա, հակառակ դեպքում՝ զգուշացեք։
Յորշերսկի Տերյերը սիրում է ցուրտ եղանակ, ինչպես նաև թաց և խոնավ վայրեր։ Այնպես որ, ձմռանը նրան տաք հագցրեք, որպեսզի երկար զբոսնի և վայելի մաքուր օդը։
Սնունդ
Խորհուրդ է տրվում 1-3բաժակ բարձրորակ չոր կերակուր, օրը 2 անգամ:
Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը:
