Շիհ Ցու բառը թարգմանաբար նշանակում է փոքր առյուծ, սակայն վախենալու ոչինչ չկա: Այս հրաշքն ուրախ, ընկերասեր տնային շուն է, ով ամենից շատ սիրում է հետևել իր տիրոջը սենյակից սենյակ և միշտ լինել նրա կողքին։
Ծագումը
Շիհ Ցուի ծագումը լի է հակադրություններով ու առեղծվածներով։ Վերջին ուսումնասիրությունները ցույց են տվել, որ նա 14 ամենահին ցեղատեսակներից մեկն է, իսկ Չինաստանում հայտնաբերված ոսկորները հաստատել են, որ այս շները գոյություն են ունեցել դեռևս Ք․ա 8000 թվականին։ Շատերը հավատում են, որ այս ցեղատեսակը տիբեթյան վանականների "ձեռքի գործն է"։ Վերջիններս Չինական թագավորությանը որպես նվեր ընրել են հենց այս շանը։
Իսկ շատերն էլ հավատում են, որ Շիհ Ցուներն առաջացել են Չինաստանում՝ պեկինես ցեղատեսակի հետ բուծելու արդյունքում։ Տիբեթում է առաջացել այս հրաշքը, թե՝ Չինաստանում, հստակ պարզ չէ, ի տարբերություն այն փաստի, որ նա եղել է ուղեկից շուն դեռ վաղուց։ Չինաստանի Թանգ դինաստիայում արված նկարներում և ժայռերում արված փորագրություններում հայտնաբերվել են փոքր շների պատկերներ, որոնք շատ նման են Շիհ Ցուին:
Առանձնահատկությունները
Այս ցեղատեսակի շներն ունեն փոքր չափսեր և արտահայտիչ դիմագծեր, որոնք գրավում են շատ սրտեր։ Նրանք գեղեցիկ են և ընկերասեր, կենսուրախ և նվիրված ուղեկիցներ։ Շիհ Ցուն թույլ չի տալիս որևէ մեկին արհամարել իրեն։ Նրան բուծել են ընկերասեր լինելու համար։ Որսն ու տարածքի հսկումն իրենը չեն։ Նա սիրում է դիմավորել և ողջունել ընկերներին, նույնիսկ՝ անծանոթներին։ Հավատացեք՝ նա ուր էլ գնա, կգտնի նոր ընկերներ։
Շիհ Ցուն համարվում է թոյ խմբի բարի և ընկերասեր անդամներից մեկը, ով շատ արագ է հարմարվում նոր պայմաններին։ Նա սիրում է երեխաներին և հարմարվում է այլ կենդանիների հետ։ Շատ հաճախ այս ցեղատեսակի շանը համեմատում են քրիզանթեմ ծաղիկի հետ, քանի որ նրա մազերն աճում են տարբեր ուղղություններով, ինչն էլ տալիս է նրա դեմքին ծաղիկի տեսք։
Բոլոր շներն ունեն «պարտականություններ»։ Պատմականորեն այս շունը ստեղծվել է՝ լինելու հավտարիմ ուղեկից, և դա այն ամենն է, ինչ ինքն է ցանկանում։ Նա իրեն երջանիկ է զգում, երբ իր ընտանիքի կողքին է, սակայն չմտածեք, որ նա ալարկոտ է։ Շիհ Ցուն կենսուրախ և զգոն է, կարող է նույնիսկ հաչել տուն մտնողների վրա, սակայն միանգամից ընկերանալ նրանց հետ։
Սննդակարգ
Խորհուրդ է տրվում 1-2 բաժակ բարձրորակ չոր կերակուր, օրը 2 անգամ:
Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը։
