Ոսկեգույն Րետրիվերն աշխարհի ամենահայտնի ցեղատեսակներից մեկն է։ Այս շների ընկերասեր և հանդուրժող բնավորությունը դարձնում են նրանց կատարյալ ընտանեկան շուն։ Այս փամփլիկները հրաշալի են որոնողական խաղերում որսորդների համար, հետախուզման և թմրանյութի բացահայտման մեջ, ինչպես նաև հայտնի են որպես թերապիայի և օգնական շներ։ Նրանք նաև հիանալի «մարզիկներ» են՝ ճարպիկ ու հնազանդ։
Ցեղատեսակի առաջացումը
Ոսկեգույն Րետրիվերի ցեղատեսակն առաջացել է Շոտլանդիայում՝ Լորդ Թվիդմաութի բարձրավանդակ կալվածքում։ Թվիդմաութը, ինպես իր ժամանակաշրջանի ազնվականությունը, բուծում էր բոլոր տեսակի կենդանիների՝ փորձելով կատարելագործել տարբեր ցեղատեսակներ։ Նա նպատակ ուներ ստեղծել այնպիսի մի ցեղատեսակ, որը կլինի հավատարիմ, հանգիստ և հավասարակշռված։ Ըստ արձանագրությունների, 1835-1890 թթ․ Թվիդմաութը ստեղծում է Ոսկեգույն Րետրիվեր ցեղատեսակը։
Զարմանալի չէ, որ Ոսկեգույն Րետրիվերն աշխարհի ամենահայտնի 10 ցեղատեսակներից մեկն է։ Նա շատ խելացի է, շփվող, գեղեցիկ և հավատարիմ, այս ամենի հետ մեկտեղ նաև կյանքով լի։
Գոլդենների առանձնահատկությունները
Նա դանդաղ է հասունանում և մնում է «հիմարիկ» ու խաղասեր ձագուկ մինչ 3-4 տարեկանը, որը կարող է լինել թե՛ հրաշալի և թե՛ զայրացնող։ Շատ շներ իրենց՝ ձագուկին բնորոշ մի քանի հատկանիշ պահում են մինչև ծերություն։
Այս ցեղատեսակը սկզբնապես եղել է ֆիզիկական աշխատանքի ՝ որսորդներին օգնելու, բադերին և թռչուններին որսալու համար։
Րետրիվերներին անհրաժեշտ է օրական վարժություններ՝ երկար զբոսանք, ազատ ժամանակ բակում, թեթև վազք լողափում և տարբեր խաղեր։ Եվ ինչպես մնացած խելացի ցեղատեսակներին, որոնք եղել են աշխատելու համար, նրանց նույպես անհրաժեշտ է աշխատանք՝ կատարելու համար, քանի որ հոգնած Գոլդենը շատ լավ է պահում իրեն։
Ձեր Րետրիվերին ֆիզիկական և մտավոր վարժություններ տալուց բացի, հիշեք որ նրանք ընտանեկան շներ են և ցանկանում են ներառված լինել ընտանեկան աշխատանքներում։ Եթե մտադիր եք պահել այս հրաշքին տանը փակված, ապա խորհուրդ է տրվում ընտրել մեկ այլ ցեղատեսակի շուն։ Այս ցեղատեսակի շներն ունեն մի մեծ «թերություն»՝ նրանք միանշանակ հսկիչ շներ չեն և կարող են բարի ժպիտով ներս թողնել տուն ներխուժողներին՝ շարժելով իրենց պոչիկները։
Ոսկեգույն Րետրիվերը խիստ մազաթափվում է հատկապես գարնանը և աշնանը։ Օրական սանրումը կօգնի մաքուր պահել ձեր բնակարանը մազերից։ Սակայն եթե ապրում եք նրա հետ, դրանք դառնում են սովորական։
Քանի որ Րետրիվերը ընտանեկան շուն է և սիրում է լինել իր տիրոջ կողքին, խորհուրդ չի տրվում երկար ժամանակ թողնել նրան դրսում մենակ։ Այս ցեղատեսակի շները ակտիվ են, ում անհրաժեշտ է օրական 40-60 րոպե մարզանք։
Նրանց բարի և նուրբ բնավորությունը արտահայտվում է նաև երեխաների հետ խաղալիս, որը բացարձակ վտանգավոր չէ։ Ռետրիվերները շատ են սիրում ուտել և երբեմն կարող են չափն անցնել։ Սահմանափակեք նրան շատ կերակրելը և սահմանեք կանոնավոր ճաշեր։
Բարի և հանգիստ բնավորություն ունեցող այս շները հակված են գոհացնելու իրենց տերերին։ Սակայն նրանց նույնպես անհրաժեշտ է վաղ տարիքից սոցիալականացում։ Ինչպես մնացած ռետրիվերնեը, Գոլդենները նույնպես սիրում են միշտ տեղափոխել կամ պահել ինչ որ բան իրենց բերանում։ Դա կարող է լինել գնդակ, փափուկ խաղալիք, թերթ և ամենավատագույնը՝ բուրումնավետ գուլպաներ։
Սննդակարգ
Խորհուրդ է տրվում օրը 2 անգամ 2-3 բաժակ բարձրորակ չոր կերակուր:
Հիշե՛ք Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունը ավելի շատ ուտելիք կպահանջի, քան ոչ ակտիվ շունը:
