Ամերիկյան պիտբուլ տերյերը հավատարիմ ուղեկից է և ընտանիքի անբաժան մասնիկը։ Ի սկզբանե բուծվել է ֆերմաներում ցուլերի համար խայծ լինելու համար, սակայն ժամանակի ընթացքում նրանք տեղափոխվել են տուն՝ դառնալու «դայակներ», քանի որ շատ նուրբ և հոգատար էին երեխաների հանդեպ։
Ամերիկյան պիտբուլները համարվում են այսպես կոչված «ամենակռվարար» ցեղատեսակներից մեկը։ Փաստացի՝ «պիտբուլը» ցեղատեսակ չէ, այլ տերմին, որը նկարագրում է ամերիկյան պիտբուլ տերյերին, բուլտերյերին, ամերիկյան ստաֆֆորդշիրյան տերյերին և ստաֆֆորդշիրյան բուլտերյերին։
Ծագումը
Պիտբուլ ցեղատեսակի շներն առաջացել են Անգլիայում 19 րդ դարի սկզնբներին և օգտագործվել են որպես խայծ ցլերի սպորտային խաղերում։ Երբ 1835 թվականին արգելվեց այդ խաղը, ի հայտ եկան շների մարտերը, ինչից էլ այս շների գենետիկայում «սերմանվեց» ագրեսիան։
Սակայն հետաքրքիրն այն է, որ նույնիսկ կռիվների ժամանակ նրանք չեն կծում և չեն վնասում մարդկանց։ Համարվում են ուժեղ պահապան, բայց միևնույն ժամանակ նուրբ և ընկերասեր շուն։
Առանձնահատկությունները
Պիտբուլ ցեղատեսակի շների մասին կա թյուր մի կարծիք, որն առկա է մեր հասարակությունում։ Այն հատկություններն ու ֆիզիկական տվյալները, որոնք ունեն այս շներն, օգտագործվում են ավելի կոպիտ և ուժային խաղերում և հնարավորություն տալիս սառնասիրտ մարդկանց օգտագործել պիտբուլներին շների անօրինական մարտերում։ Հենց այդ պատճառով էլ այս ցեղատեսակի շները ձեռք են բերել վտանգավորի համբավ։
Որպես պիտբուլի տեր՝ Դուք պետք է պատրաստ լինեք բախվելու մի շարք խնդիրների այն մարդկանց հետ, ովքեր ապատեղեկացված են Ձեր հրաշալի շան մասին։ Այս ցեղատեսակը բոլորի համար չէ։ Եթե պատրաստ չէք նրան վարժեցնելու և սոցիալականացնելու, մի կատարեք սխալ քայլ, որի արդյունքում կտուժվի Ձեր ընկերը։
Կանոնավոր վարժեցման արդյունքում պիտբուլը դառնում է հիանալի ուղեկից Ձեր երեխաների համար։ Նա սիրալիր ու նուրբ է վերաբերվում մարդկանց։ Ամերիկյան պիտբուլ տերյերները նվիրված և հավատարիմ են իրենց ընտանիքներին և կարող են պաշտպանել նրանց իրենց կյանքի գնով։ Այս շները ծայրահեղ խելացի են և հրամաններն ու հնարքները սովորում են առանց դժվարության։ Պիտբուլներն ունեն սեր կյանքի հանդեպ և սիրում են մասնակցել այն ամենին, ինչ կատարվում է իրենց շրջակայքում։
Պիտբուլ տերյերներին անհրաժեշտ է շատ ուշադրություն․ նրանք պետք է վարժեցվեն փոքր տարիքից։ Հասարակական վայրերում խորհուրդ է տրվում պահել նրան կապով՝ մարդկանց ագրեսիվ արձագանքից խուսափելու համար։ Զգուշացեք նաև այլ շների հետ կռիվներից։ Միգուցե նրանք չսկսեն կռիվը, իսկ արդեն կռվի ժամանակ կանգ չեն առնի մինչև վերջ։
Այս ցեղատեսակի շներն ունեն մեծ սեր և ուժեղ ատամներ՝ ծամելու փխրուն խաղալիքները։ Տվեք նրան այնպիսի բաներ, որոնք դժվար լինի կոտրել կամ էլ կուլ տալ։
Սննդակարգ
Խորհուրդ է տրվում 1-2,5 բաժակ բարձրորակ չոր կերակուր, օրը 2 անգամ:
Հիշե՛ք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը։
