loader
hafo.am hafo.am 093 577 177 info@hafo.am
Cover Photo
intro

Ծանոթացե՛ք

Ալյասկյան Մալամուտ

Հասակը`58-60սմ
Քաշը`34 -45կգ
Կյանքի տևողությունը` 12-15 տարի

Երբ առաջին անգամ տեսնեք ալյասկյան մալամուտին, միանգամայնորեն կտպավորվեք նրա գայլանման դիմագծերով, հսկայական գեղեցիկ պոչով և մեծ չափսերով։ Շատերը հավատում են, որ նրանք գայլերի մի մասն են կազմում։ Իրականում նրանք կարող են խաղալ գայլի դեր ֆիլմերում և ոչ մի կասկածի առիթ չտալ։
Ալյասկյան Մալամուտը համարվում է ամենահին ցեղատեսակներից մեկը, ում սկզբնական տեսքը զգալիորեն չի էլ փոխվել։ Այս խելացի շներին հարկավոր է «աշխատանք» և մշտական «առաջնորդ»։

Արկտիկական ամենահին շներից մեկը հենց մալամուտներն են, ովքեր ստեղծվել էին սահնակներ քաշելու համար։ Նրա նախնինները հազարավոր տարիներ առաջ Սիբիրից տեղափոխվել են Ալյասկա տեղացիների հետ։ Մի ցեղ՝ հայտնի որպես մահլեմուտներ, բնակվում էին Սյուարդ թերակղզու հյուսիսարևելյան տարածքում, որտեղ էլ ձևավորվել են ալյասկյան մալամուտները։ Այս շներն օգտագործվում  էին  փոկ որսալու, սպիտակ արջերին հետևելու և  բեռնված ծանր սահնակներ քաշելու համար։

Էսկիմոսները շատ լավ էին վերաբերվում իրենց շներին և գնահատում էին նրանց։ 1896 թվականի ոսկու հայտնաբերումը Ալյասկա բերեց տարբեր չափսերի  շների, ովքեր կարողացան դիմադրել եղանակին։ Շատ տեղական շներ բուծվեցին այս շների հետ, իսկ նրանց մաքուր տեսակը ոչնչացավ։ Մահլեմուտները բավականին մեկուսացված ցեղ էին և միշտ ենթարկվում էին հարձակումների այլ ցեղերի կողմից, այդպիսով ալյասկյան մալամուտները  հարձակումներին ավելի լավ դիմադրեցին, քան այլ ցեղատեսակները։

Իսկ արդեն 1900-ական թվականներին այս շները բերվեցին Ամերիկա, որտեղ 1935 թվականին ճանաչեցին այս ցեղատեսակը։ 

Առանձնահատկությունները

Մալամուտն ունի հսկայական ուժ, էներգիա, տոկունություն, անկախություն և խելացիություն։ Նրա աշխատանքն այսօր միանգամայն այլ է՝ պարզապես մարդու լավագույն ընկերը լինելը։
Եթե նա Ձեր կողքին նստած չէ, ապա հավանաբար քանդում է աղբը, խոհանոցում փնտրում է ինչ-որ լավ բան ուտելու կամ էլ փորում է մի մեծ փոս ձեր բակում։

Այս հրաշքները բոլորին ընդունում են որպես ընկեր։ Եթե փնտրում եք հսկիչ շուն, ապա այս ցեղատեսակը ձեզ համար չէ։ Նրա չափսերը միգուցե վախեցնեն ներխուժողին, բայց դա միակ բանն է, ինչ կստանաք նրանից։

Այս "գայլերն" իրենց լավ են զգում, երբ ունեն բավականին մեծ տարածք և հնարավորություն մարզվելու, հակառակ դեպքում կձանձրանան։ Նրանց անկախ բնավորությունը դարձնում է իրենց կամակոր շուն, սակայն խելիացիությունը փայլում է ճիշտ վարժեցման արդյունքում։

Մալամուտները շատ արագ փորձում են լինել ընտանիքի ալֆա անդամը։ Նրանք, ովքեր ապրում են այս ցեղատեսակի շան հետ, պետք է կարողանան ղեկավարել իրավիճակը և հստակորեն հաստատել ընտանիքի անդամների դերերը։ Նրանց անհրաժեշտ է սոցիալականացնել վաղ տարիքից այլ շների և կատուների հետ, հակառակ դեպքում հետագայում կծագեն խնդիրներ նրա վարքի հետ։

Սննդակարգ

Խորհուրդ է տրվում 4-5 բաժակ բարձրորակ չոր կերակուր, օրը 2 անգամ:

Հիշեք՝ Ձեր շան ուտելու չափը կախված է իր քաշից, տարիքից, նյութափոխանակությունից և գործունեության մակարդակից: Շները անհատականություններ են, ինչպես մարդիկ, և նրանց անհրաժեշտ չէ ուտելիքի նույն քանակը: Պարզից էլ պարզ է, որ ակտիվ շունն ավելի շատ ուտելիք կպահանջի, քան՝ ոչ ակտիվը: 
 

Dog content1
Dog content2
Work
Work
Work
Work
Work